Ho dekretu ne’ebé Governu hato’o ba xefe estadu deside veto, maibé propoin atu governu implementa dekretu lei 17/2020 (dekretu lei tuan) ba funsionáriu ne'ebé durante ne'e servisu liña frente iha situasaun Pandemia Covid-19.

“Iha veto ne'ebé mak iha husi senhor Prezidente Repúblika, veto ne'e la siknifika katak Governu laiha ona kbi’it legal atu implementa atu fó subsídiu sira, apoiu ba pesoál sira iha administrasaun públika, mais pelu kontrariu ho vetu ida ne'e Senhor Prezidente Repúblika dehan katak dekretu lei hirak ne'ebé mak dirijente hela tinan kotuk nian ne'e to'o agora ida ne'e mak di'ak ne'ebé mak kontinua respeita dekretu lei ne'e. Ne'e la'ós atu evita preokupasaun ho tantu konfuzaun iha públiku”, esplika Fidélis iha Palásiu Governu, kuarta (07/07).

Dekretu lei iha altura ne'ebá fornese preve atu apoiu ba liña frente sira depois dekretu lei ne'e to'o fali loron 2 setembru iha alterasaun maibé nia natureza kona-ba servisu ne’ebé mak merese ka elejivel nafatin.

Tanba Prezidente Repúblika la konkorda ho alterasun lei foun nune'e Prezidente Veta lei foun ne'ebé atribui ba funsionáriu liña frente sira.

“Soké foin lalais ne'e iha proposta ida foun atu halo alterasaun dekretu lei ne'e mak ba to'o iha ita-nia Prezidente Repúblika dehan la konkorda veta dekretu lei ida ne'e tanba ho hanoin ida katak dekretu lei sira iha kotuk tuan ne'e di'ak liu mak kaer nafatin ba ida ne'ebá”, dehan nia.

Ho ida ne’e husu atu labele preokupa, tanba vetu ida ne'e Prezidente Repúblika lakohi funsionáriu traballadór ho front line atu la hetan sira-nia direitu, maibé kontinua nafatin. (*)