“E husu mós ba mídia sira iha ne'e ita-boot reprezentante na’in-rua iha ne'e, husi RTTL no husi Tempo Timor, tanba iha atentadu hoax foin lalais ne'e, uza ajensia rua ne'ebé mak ita hotu hatene e respeita iha ita-nia sosiedade nia leet, iha ne'ebá tau símbolu falsu RTTL nian, no símbolu Tempo Timor nian, tanba Tempo Timor baibain uza O maibé nia uza U depois tau ninia diresaun”, hatete Fidelis Magalhães iha Palásiu Governu, kuarta (21/07).
Tanba iha sidadaun barak mak menus asesu informasaun tanba ida ne'e bele sai vítima ba informasaun hoax sira ne'ebé mak públika ba média sosiál sira.
“Dala ida tan husu ba jornalista sira atu servisu hamutuk ho Governu para ita bele kombate hoax liuhusi informasaun sira, iha haree buat ne'e simples hela halo iha komika ita hamnasa, maibé ita-nia sidadaun barak mak hetan informasaun ne'ebé menus bele sai vítima tanba ida ne'e”, afirma nia
Antes ema irresponsabilidade fahe informasaun iha facebook kona-ba sidadaun ne'ebé simu Vasina dalarua sei simu telefone Iphone 11 Pro Max inklui sidadaun ne'ebé mak vasina AstraZeneca de'it mak livre movimentu maibé Vasina Sinovac antes movimentu tenke tuir test swab. (*)