“Ho alterasaun sira ne'ebé introdús ona, ne'e ho intensaun atu fó protesaun jurídika ne'ebé boot-liu ba ema sira ne'ebé utiliza dalan públika, atu adapta sistema ne'ebé vigora hela ho globál tuir nesesidade daudaun nian, iha prokura ba ekilíbriu entre ezijénsia ne'ebé aumenta ba beibeik", dehan Minístru Prezidensia Konsellu Minístru, Fidelis Leite Magalhaes iha palásiu governu, kuarta (22/03).

Projetu proposta lei ne’e aprezenta husi Primeiru-Ministru no Ministru Interiór, Taur Matan Ruak, no hetan ona aprovasaun.

Objetivu seluk husi aprovasaun lei ne’e atu iha armonizasaun di’ak ida no atualizasaun ba regra jurídika sira ne’ebé aplika ba tránzitu iha dalan públiku sira.

"Nune’e mós densifikasaun no klarifikasaun ba matéria sira kona-ba prosesu kontraordenasionál no ba atualizasaun montante multa kona-ba infrasaun kódigu estrada no ba ninia regulamentu sira", nia afirma. (*)