Tempotimor (Baukau)-Kandidata Prezidente Repúblika (PR) Independente períodu 2022-2027 ho númeru sorteiu 03, Maria Ángela Freitas da Silva hatete, nia parte hakarak kandidata-an atu sai Prezidente Repúblika hodi koopera ho Governu atubele kria indústria hodi konserva produsaun agrikultór oinsá fó servisu ba timoroan sira.

Tempotimor (Díli)-Sekretáriu Jerál Partidu Demokrátiku (PD), António da Conceição, sadik partidu CNRT no FRETILIN atu rai atributu Partidu nian iha kampaña ba kandidatu Prezidente Repúblika hanesan mós ho PD ne’ebé avansa ho individuál.

Tempotimor (Dili)-Kandidatu Prezidente Repúblika (PR) Independente períodu 202-2027, Felisberto Araújo Duarte hatete, Prezidente Repúblika (PR) foun ne'ebé eleitu presiza mete programa Governu liuhusi proposta Orsamentu Jerál Estadu (OJE) atu haree oinsá promulga.

Tempotimor (Dili)-Kandidatu Prezidente Repúblika (PR) períodu 2022-2027 husi partidu Demokrátika Repúblika de Timor (PDRT), Anacleto Bento Ferreira, aprezenta programa prioridade rua ba populasaun sira iha Postu Administrativu Atsabe, Munisípiu Ermera.

Tempotimor (Díli)-Sekretáriu Jerál Partido Demokrátiku (PD), António da Conceição hatete, PD deside la halo atividade kampaña Eleitorál, iha loron kinta (03/03), tanba loron espesiál ba veteranu ne'ebé ba luta ukun rasik-an.

Tempotimor (Aileu)-Kandidatu Prezidente Repúblika númeru sorteiu 1, Isabel da Costa Ferreira, iha kampaña dahuluk husu ba sidadaun hotu atu prepara-an didi’ak hodi partisipa iha prosesu dezenvolvimentu nasionál, tanba sidaduan hotu iha responsabilidade.

Tempotimor (Oekussi)-Kandidatu Prezidente Repúblika períodu 2022-2027 ho númeru sorteiu 6, Francisco Guterres ‘Lú Olo’, promete séi hametin sistema justisa hodi kombate korrupsaun iha Timor-Leste (TL).

Tempotimor (Dili)-Kandidata Prezidente Repúblika (PR) husi Partidu Kmanek Haburak Unidade Timor Oan (KHUNTO), Armanda Berta dos Santos hatete, nia parte prontu hametin paz no lori moris di'ak ba povu Timor-Leste, bainhira hetan konfiansa eleitu ba Prezidente Repúblika iha loron 19 fulan-marsu.

Tempotimor (Dili)-Prezidente Partidu Dezenvolvimentu Populár (PDP), António Soares ‘Maubere Ai-Tanan’, halo kampaña ba Kandidatu Prezidente Repúblika, Antero Bendito, iha Ermera hodi fó votu ba kandidatu independete iha eleisaun Prezidensiál loron 19 marsu 2022.

Tempotimor (Dili)-Kandidata Prezidente Repúblika (PR) Independente períodu 2022-2027, Milena Pires, hakarak sai Prezidente Repúbliki hodi halo mudansa ba povu nia moris.

“Ha'u-nia logu kampaña, tinan foun, polítika foun mak dalan ba mudansa no povu nia moris di'ak, tanba ida ne'e mak ha'u hakarak kandidata-an, la'ós atu sai boot, la'ós atubele sa'e karreta di'ak, la'ós atu ba tur iha aitarak laran. Atubele halo buat ruma ba povu nia moris di'ak”, dehan Milena hafoin kampaña dahuluk iha Postu Administrativu Gleno, Munisípiu Ermera, kuarta (02/03).

Tanba, eleisaun preziensiál ne'ebé mak sei hala'o iha loron 19 marsu 2022, ne'e importante loos, atubele kontribui ba Timor-Leste ninia dezenvolvimentu iha futuru.

“Ha’u hamrik iha ne'e ohin loron iha ita-nia oin, tanba hakarak kontribui ba Timor-Leste ida ne'ebé inkluzivu, Timor-Leste ida ne'ebé timoroan hothotu, sinte katak sira hola parte ba ida ne'e”, dehan nia.

Timor-Leste tenke iha oportunidade hanesan ba timoroan hothotu iha no tenke Timor-Leste ida ne'ebé justu, ema hanesan hotu iha justisa nia oin, la'ós justisa ba povu ki'ik de'it.

Tanba hanesan públiku tomak haree no rona bebeik povu nia halerik, katak justisa ne'e ba de'it povu ki'ik maibé ba fali boot sira ladun iha justisa.

Ho situasaun hirak ne'e, Prezidente Repúblika presiza hakbesik-an ba povu, no tenke moris iha povu nia let, labele tur de'it iha Aitarak laran, loroloron taka de'it aan iha Aitarak Laran, husik nia povu moris at iha baze.

“Servisu bele hakna’ar-an iha Aitarak Laran, maibé semana rua hanesan tenke tun ba hamutuk ho povu, haree ho matan, saida mak povu nia moris loroloron, kompriende saida mak povu nia halerik, difikuldade ne'ebé mak iha ita-nia moris loroloron”, hatete nia.

Tanba hanesan públiku hatene katak babain ema barak atu iha de'it etu bikan tolu loron ida atu hán susar teb-tebes, ne'e mak prezidente repúblika presiza sai konsiénsia Estadu Timor-Leste nian, ba saida mak povu nia moris di'ak. (*)