Login to your account

Username *
Password *
Remember Me

PD ‘Sadik’ CNRT-FRETILIN Rai Atributu Partidu iha Kampaña Prezidensiál

Sekretáriu Jerál Partidu Demokrátiku (PD), António da Conceição, hamutuk ho estrutura Partidu iha Sede Nasionál, Kolmera, iha Konferensia imprensa, kinta (03/03). Sekretáriu Jerál Partidu Demokrátiku (PD), António da Conceição, hamutuk ho estrutura Partidu iha Sede Nasionál, Kolmera, iha Konferensia imprensa, kinta (03/03). Foto Tempo Timor

Tempotimor (Díli)-Sekretáriu Jerál Partidu Demokrátiku (PD), António da Conceição, sadik partidu CNRT no FRETILIN atu rai atributu Partidu nian iha kampaña ba kandidatu Prezidente Repúblika hanesan mós ho PD ne’ebé avansa ho individuál.

“Ami-nia kandidatura Mariano ‘Assanami’ Sabino, PD mak oferese maibé Kandidatu individu, la'ós Kandidatu partidu ne’ebé kampaña ho atributu partidu”, dehan nia, iha Sede PD, Kolmera, kinta (03/03).

Tanba atu sai Prezidente Repúblika ne'e tenke prezidente Indivídu hodi nune'e sai prezidente ba ema hotu no labele prezidente ba partidu no grupu sira.

“La'ós hanesan agora partidu FRETILIN no CNRT ninia halo iha kampaña ne'e uza atributu no pasan Bandeira partidu nia iha fatin-fatin, ha'u temi de'it mak partidu boot rua ne'e, CNRT no FRETILIN”, nia haktuir.

Deklarasaun ne’e fó sai refere ba partidu CNRT no FRETILIN tanba hakarak hahalok no hanoin sira ne'ebé mak sira hanorin mai iha jerasaun foun ida ne'e ba futuru bele garante konstituisaun.

“Ho ida ne'e ami husi kandidatura Assanami nia ami hakarak kaer metin istória ida ne'e, se Prezidente ida ne'e mak hakarak garante konstituisaun nia tenke hatene kedas ninia interpretasaun iha konstrusaun se la'e, buat hothotu ita filafali ba iha 2020 ninia hafoin buat hothotu ho ita ida-idak ninia dever”, afirma nia.

Ba kandidatu Partidu Demokrátiku ne’ebé oferese ba povu Timor-Leste iha eleisaun Prezidensiál hanesan kandidatu Nasionál Timor-Leste laiha atributu partidu nian, maibé iha de’ita fotografia kandidatura ho númeru sorteiu.

‘Ida ne'e hatudu katak, ami ne'e diferente ho CNRT no FRETILIN, ami la dehan tan Partidu sira seluk, hakarak dehan mak Partidu boot rua ne'e”, afirma nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter