Prezidente MTH, Jorge Ferreira hatete, kandidatura sira atu manan konfiasa husi povu di’ak liu fa’an vizaun no misaun, la’os konta fali ístoria pasadu.

 “Hatudu ezemplu di’ak iha momentu atu ba kampañ ba fa’an imi nia vizaun, misaun no planu, hodi konvense ba povo atu fo Fiar iha momentu eleisaun, labele uja ístoria sai hanesan instrumentu ou materia ba kampañ hodi fanu nafatin povo nia sentimentu emosional iha momentu kruzial ba luta libertasaun nasional,” dehan nia, kuarta (16/02).

Tanba, luta ba libertasaun patria hotu ona, agora atu luta ba povo no nasaun nia moris di’ak ba future.

 “Movimentu Tane A'as Historia hamutuk ho povo hanoin no konsidera katak, jerasaun tuan imi hotu nia kontribuisaun mak ohin loron nasaun RDTL hamrik hanesan nasaun soberanu ne'ebé konsagra ona iha Konstituisaun Republika Demokratika de Timor Leste (RDTL,” nia hatete

Nune'e, husu kandidatu hotu atu hanorin povu ho rasionál no demokrasia. (*)