Login to your account

Username *
Password *
Remember Me

MAE Fó Pose ba Administradór Na'in-5 iha Baukau

Administradór foun na’in lima ne’ebé tuir hela juramentu iha salaun sentru konvensaun vila antiga Baukau, kuarta (16/02). Administradór foun na’in lima ne’ebé tuir hela juramentu iha salaun sentru konvensaun vila antiga Baukau, kuarta (16/02). Foto Tempo Timor

Tempotimor (Baukau)‐Vise-Ministru Administrasaun Estatál (MAE), Lino de Jesus Torrezão hamutuk ho Prezidente Autoridade Munisípiu (PAM) Buakau, Olivio Freitas fó ona pose ba Administradór foun na'in-5 iha Munisípiu Baukau.

Vise-MAE, Lino de Jesus Torrezão hatete, Governu sentral fó responsablidade ba Administradór foun atu hala’o kna'ar tuir lei no hatutan programa VIII Governu konstituisionál ne'ebé antes ne'e, Administradór sesante hala'o ona.

"Administrasaun Postu Administrativu mak servisu extensaun liman ain Administrasaun Munisípal nian ho misaun atu asegura hirak ne'ebé espesiefiku postu Administrasaun ninian, atu garante servisu Administrativu besik liu ba iha populasaun no promove partisipasaun povu no sidadaun sira iha atividade Administrativa," dehan Lino iha Salaun Sentru Konvensaun Baukau, kuarta (16/02).

Nune’e, PAM, Buakau Olivio Freitas mós agradese ba MAE, tanba iha inisiativa kordena servisu ho komisaun funsaun públika ba prosesu selesaun ho meritu ba Administradór Postu Administrativu Baukau Vila, Laga, Kelikai, Baguia no Vemase.

Prosesu ne'e, hanesan asaun atu kumpre ejizensia legál kona-ba selesaun meritu ba kargu Administrativu sira ne'ebé bazeia ba kompetensia, kuiñesementu abilidade, esperensia servisu hodi bele responsabiliza ho kualidade.

Tanba, hahú husi avaliasaun kurikular aprova eskrita, intrevista husi juri kompostu Ministéiru Administrasaun Estatál to'o Komisaun Funsaun Públika.

"Liuhusi simu pose husi Ministéiru Administrasaun Estatal no Administrasaun Munisípal hamutuk ita bele responsabiliza ba libertasaun foun, ita boot sira nia responsabiliza importante hodi hatudu profesionál ba Postu Administrativu sira ne'ebé ita bo'ot sira diriji no Administra," nia hatete

Tanba, responsabilidade ne'ebé Administradór atu ezekuta mak, promove divulga lei, regulamentu polítika públika, identifikasaun bens moves estadu nian no bens moves abandonadu iha área kuda produtu agrikola, floresta no rai komunitáriu iha Postu Administrativu.

"Ita boot sira iha responsabilidade hodi apoiu ba sistema atestimentu bee, sistema brenazem, kombate ba animal sira ne'e sirkula iha área urbana," dehan PAM

Enkuatu, Administradór Postu Administrativu Vemase sesante, Sebastião Filomeno Correia afirma, asume kna'ar hahú husi tinan 2015 to'o 2022 no remata ona mantadu, tanba ne'e, enrega hikas poder tomak ba Administradór foun hodi kontinua programa ne'ebé estabelese ona.

"Buat ne'ebé ami halo lakompletu karik, ha'u husu ba ita boot sira kontinua ba, tanba ita hotu servisu ba povu Baukau," nia argumenta

Entertantu, dadaun Isencinio António da Silva nu’udar Administradór foun ba Postu Administrativu Baukau Vila, Pedro da Costa Freitas Administradór  ba Vemase, Mateus Soares Cabral Administradór ba Kelikai, Domingos Jose Pereira Administradór ba Laga no António dos Ramos kontinua re-eleitu ba Administradór Baguai. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter