Login to your account

Username *
Password *
Remember Me

Armanda Berta Rejistu Ona iha TR, 2 Marsu Hahú Kampaña iha Ainaro 

Ekipa Susesu husi Kandidatu Armanda Berta dos Santo lori hela dokumentu ba Tribunál Rekursu. Ekipa Susesu husi Kandidatu Armanda Berta dos Santo lori hela dokumentu ba Tribunál Rekursu. Foto Tempo Timor

Tempotimor (Dili)-Ministra Solidaridade Sosial no Inkluzaun (MSSI), Armanda Berta dos Santos, rejistu ona iha Tribunál Rekursu (TR) hodi prepara ba kampaña dahuluk iha loron 2 fulan-Marsu hahú iha Munisípiu Ainaro.

Prezidente Ekipa Susesu Kandidatura Prezidente Repúblika (PR) husi Partidu KHUNTO, Marito Magno hatete, husi kandidatu Armanda Berta dos Santos ninia ekipa susesu ne'ebé reprezenta kandidatura, kompleta ona dokumentu ne’ebé seidauk kompleta tuir lei.

"Sim rejistu ona, ita hein notifikasaun Tribunál tuir lei haruka no prosesu ba oin hodi hetan desizaun husi Tribunál kandidatu ne'ebé mak sei kompete iha eleisaun Prezidensiál", dehan Marito iha Edifísiu Tribunál Rekursu, Kaikoli, segunda (31/01).

Kona-ba lista proponente mantein rihun-8-resin ne’ebé preparadu hodi hahú kampaña iha loron 2 fulan-marsu tuir planu abertura iha Munisípiu Ainaro.

"Pursentu 100 ami la dúvida, ami fiar metin ho forsa polítika ho organizasaun filiadu, ita-nia povu, ita-nia komunidade iha rai laran ho rai liur mós apoiu ba kandidata Armanda Berta dos Santos", informa nia.

Ho dokumentu ne'ebé hatama ona iha Tribunál Rekursu, ekipa susesu partidu Kmanek Haburas Unidade Nasionál Timor Oan (KHUNTO), fiar katak sei laiha failansu.

"Karik iha buat ruma  husi parte Tribunál Rekursu sei notifika ami atu kompleta, maibé ami fiar katak ami-nia preparasaun di'ak ha'u hanoin katak sei laiha failansu", afirma nia. (*)

Rate this item
(0 votes)
Last modified on Monday, 31 January 2022 21:14
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter