Login to your account

Username *
Password *
Remember Me

MAPKomS Rejeita Informasaun Set-Top Box iha Dili Seidauk Instala

Asesór ba Planu Programa no Forsa Traballu MAPKomS, Graciano Pires dos Santos. Asesór ba Planu Programa no Forsa Traballu MAPKomS, Graciano Pires dos Santos. Foto Suplay

Tempotimor (Dili)-Ministériu Asuntu Parlamentár no Komunikasaun Sosiál (MAPKomS), rejeita ho publikasaun informasaun husi mídia balun ne’ebé sita projetu Set-Top Box, Dexodifikador Rádiu Televizaun Timor-Leste, empreza Publika (RTTL-EP) hamutuk 23.244 ba komunidade iha Munisípiu Dili, balun seidauk instala, ne’e laloos.

“Propriamente iha Dili, ha’u hakarak hatete iha ne’e, iha Dili ho totál 23.244 uma kain mak hetan. Bazeia ba dadus sira ne’ebé mak fó sai husi mídia katak iha suku balu iha Dili laran ne’e maiora ke seidauk halo instalasaun, ne’e ha’i dezmente hanesan tékniku ne’e laloos”, dehan Asesór ba Planu Programa no Forsa Traballu MAPKomS, Graciano Pires dos Santos, ba www.tempotimor.com iha gabinte MAPKomS, seta (28/01).

Tanba instalasaun ne’ebé mak kompaña Dili Eternal Innovation Information halo iha Munisípiu Dili, ne’e kuaze tékniku sira monta hotu ona kada uma-kain.

Iha suku Fatuhada ne’e benefisiáriu uma-kain hamutuk 1.402 mak asesu ba instalasaun ne’e, maibé iha informasaun balun husi Autoridade lokál sira katak família balun la satisfas kanal ne’ebé oferese tanba maioria xina nian tanba ne’e sira deside fó fila Set top Box ba rai iha sede suku tanba sira ho razaun sira iha televizaun ETO, K-vision, Indo-vision.

Ba Suku Vilaverde, tuir loloos uma-ka’in 1.335 mak atu asesu, maibé iha beifisiáriu 23 husi Aldeia Lemorai iha Suku Vilaverde mak la ba foti, tanba ne’e tékniku sira seidauk bele monta.

Bainhira monta STB ne’e, presiza iha uma na’in-ida mak reprezenta atu foti sira-nia sasán depois tékniku sira akompaña atubele monta.

Nune’e mós iha problema ida mosu iha Aldeia Makoko Mate iha Suku Bekora, dehan seidauk monta, maibé tékniku sira husi kompanã tun ba monitoriza no identifika informasaun husi populasaun rasik mak hatete, sira-nia instala hotu ona no hela ida-rua mak seidauk tanba momentu ne’e tékniku sira tun ba uma mamuk.

Maibé iha mídia balun fó sai, katak projetu instalasaun ne’e oferese mós ba Manatutu, ida ne’e parte MAPKomS dezemente ne’e laloos, tanba Manatutu agora dadauk seidauk iha tore transmitor, no seidauk bele halo instalasaun ba ne’ebá. 

Tanba ne’e mídia sira ne’ebé publika dadus no informasaun hodi halo espekulasaun iha públiku, mak parte MAPKomS deside sei prepara diretu de resposta ida tuir prosedimentu ne’ebé sei fó sai iha tempu badak.

Enkuantu Governu Xina oferese Set Top Box ba Timor-Leste hamutuk 31.500 STB, no iha faze dahuluk sei instala uluk 30.000, iha Munisípiu Dili, Likisá, Postu Administrative Kailaku, Munisípiu Ermera, Postu Administrativu Laulara, Munisipiu Aileu, nomós Postu Administrativu Kailaku, Munisípiu Bobonaro.

Projetu instalasaun STB ba faze dahuluk ne’ebé mak lidera husi Kompaña Dili Eternal Innovation Information, ne’e hahu iha 2019 no instala iha 2021 to’o fulan-abril 2022.

Projetu instalasaun Set Top Box ne’e nu’udar komponente ki’ik ida husi projetu Dijitál Teresteriál Multimedia (DTMB), tanba iha buat rua ne’e importante loos mak Hardware installation, no software installation.

Kona-ba Hardware installation ne’e atu halo instalasaun ida fíziku, no software installation ne’e sensitivu oituan, tanba iha ne’ebá sei tau ema nia naran, númeru telefone buat hotu iha ne’ebá, no ida ne’e Governu labele bosok, tanba ida ne’e sei iha SERVER ida iha RTTL.ep, atubele kontrola. (*)

 

Rate this item
(2 votes)
Last modified on Saturday, 29 January 2022 15:11
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter