Login to your account

Username *
Password *
Remember Me

CNRT Akuza Taur Hahú ‘Kasa’ Votu iha Munisípiu, Fidélis Defende 

Primeiru Ministru, Taur Matan Ruak ho nia espoza Isabel Ferreira, halo vijita ba komunidade sira iha Munisípiu Manufahi. Primeiru Ministru, Taur Matan Ruak ho nia espoza Isabel Ferreira, halo vijita ba komunidade sira iha Munisípiu Manufahi. Foto Suplay

Tempotimor (Díli)-Ministru Prezidensiál Konsellu Ministru (MPKM), Fidelis Leite Magalhaes, defende maka’as Primeiru Ministru (PM), Taur Matan Ruak, nia vizita ba Munisípiu la’ós buka votu, maibé dever Xefe Governu.

Tanba Deputada Bankada CNRT, Domingos Carvalho de Araújo, akuza PM Taur Matan Ruak hahú vizita Munisípiu sira hodi kasa votu husi komunidade.

"Deputadu opozisaun halo duni nia kna'ar hanesan opozisaun duni tanba ne'e mak sira kritika ne'e di'ak, maibé la siknifika katak buat ne'ebé mak sira ko'alia dehan Primeiru Ministru ba buka votu ne'e loos”, deklara niaiha Palásiu Governu, kuarta (12/01).

Deputadu sira ko'alia tanba ida direitu no iha dever konstitusionál, ne'ebé hanesan opozisaun dala ruma buat loos mós sira dehan sala hotu.

"Maibé buat ne'ebé mak klaru PM halo ne'e hanesan Xefe ba Governu ne'e importante tebes ba nia atu ba Munisípiu sira hasoru direita ho nia komunidade sira no autoridade lokál sira hodi rona rasik sira-nia preokupasaun sira, no dezafiu inklui problema sira ne'ebé mak hasoru loroloron”, dehan nia.

Tanba politika ne'e bainhira PM la halo vizita deputadu sira dehan PM nusa la ba Munisípiu maibé tuur de'it iha Dili, no ba fali dehan ladi'ak hotu, hod ida ne’e atividade PM opozisaun sempre dehan ladi'ak.

"Maibé husik ba ita-nia komunidade no populasaun sira mak haree rasik no julga rasik de'it ba”, afirma nia.

Enkuantu Deputadu CNRT, Domingos Carvalho de Araújo hatete, besik eleisaun ona mak Prezidente Repúblika, Francisco Guterres ‘Lú Olo’, no Primeiru Ministru, Taur Matan Ruak, foin halo vizita ba Munisípiu ne'e dala ruma buka votu.

"Durante ne'e sira hakmatek de'it iha fatin, la tuun ba haree preokupasaun povu nia, besik eleisaun mak tun ba halo saida?. Atu ba buka votu ka ba halo saida”, deklara nia iha Plenária Parlamentu Nasionál, tersa (11/01).

Tanba iha tinan hirak nia laran mandatu, la halo buat ida no la tun ba Munisípiu, maibé besik eleisaun foin halo vizita ba Munisípiu sira. (*)

Rate this item
(1 Vote)
Last modified on Wednesday, 12 January 2022 21:04
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter