Login to your account

Username *
Password *
Remember Me

Lere Kadidata-an ba Prezidente Repúblika Sai Kareira Ikus

Xefe Estadu Maior Jenerál FALINTIL-Forsa Defesa Timor-Leste(F-FDTL), Tenente Jenerál Lere Anan Timur. Xefe Estadu Maior Jenerál FALINTIL-Forsa Defesa Timor-Leste(F-FDTL), Tenente Jenerál Lere Anan Timur. Foto Suplay

Tempotimor(Dili)-Xefe Estadu Maior Jenerál FALINTIL-Forsa Defesa Timor-Leste(F-FDTL), Tenente Jenerál Lere Anan Timur deklara, bainhira nia kandidata-an ba Prezidente Repúblika (PR) períodu 2022-2027 sai nu’udar kareira ikus nia.

"Prezidente seidauk fó sai data eleisaun ninia, maibé ha'u ko'alia beibeik ona ita nu'udar ema, e ha'u mós nu'udar líder ida, ne'e ultima kareira ona, sé ha'u kandidata-an ba prezidente, e karik ha'u sei ba prezidente ne'e ultima kareira ona, tinan lima ida ne'e, tinan ida ne'ebé ano desizivu e tinan ida que determinante ba futuru nasaun ninia”, dehan Jenerál Lere bainhira partisipa iha Aniversáriu Komponente Navál Falintil-Forsa Defeza Timor-Leste (F-FDTL) ba dala-20, iha Hera, kuarta (12/01).

Tanba tinan lima (5) mai ne'e, entrega ona ba jerasaun foun hodi kontinua lidera nasaun ba futuru, maibé hetan apoiu nafatin husi jerasaun tuan sira.

"Tinan lima mai ne'e ita entrega ba jerasaun foun, e ha’u bele dehan katak ha'u prezidente ka la prezidente, iha tinan 2027 ha'u sei apoiu ha'u-nia kandidatu joven ida, agora ha'u seidauk temi naran mais ha'u hanoin ona, joven ida ne'ebé mak sai ha'u nia kandidatu ba PR iha tinan 2027. Ida ne'e mak ha'u-nia hakarak”, hatete Lere.

Kuandu Prezidente Repúblika (PR) dekreta ona tempu to’o ona, Xefe Estadu Maior Jenerál F-FDTL, Tenente Jenerál Lere Anan Timur kandidata-an, no sei reforma husi Institutuisaun F-FDTL hodi entrega mós Institutuisaun F-FDTL ba jerasaun foun.

"Ha'u 70 anos ona, ha'u hanoin katak to’o tempu ona ita passa ba ita-nia jerasaun tuir mai, ha'u labele privatiza fali Institutuisaun F-FDTL hanesan ha'u-nia, hanesan ha'u dehan ita sidadaun iha rai ida, iha nasaun ida, iha misaun rua de'it, dever mak rua de'it, ida mak serbí Estadu ida mak serbí família, e agora ha'u tinan barak ona, ha’u servi estadu, e agora mós to’o tempu ha'u ba servi ha'u-nia família”, afirma nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter