"Uma ida agora halo ne'e di'ak ho kualidade, soke ha'u triste tanba uma ida agora ne'e ninia krietria balun deskrimina ita-nia sidadaun", dehan Ofisial Intituisional no Advokasia Asia Justice and Rights (AJAR), Inocencio de Jesus Xavier, iha salaun Bekora, tersa (11/01).
Ho ezemplu ida, nia faluk la hola mane ka la hola feto nia la bele iha direitu hetan uma ne'e, tuir lolos ema sira ne'e mak vulnerável liu, tanba abanbairua nia mate laiha ema ruma mak atu hela nia jerasaun laiha atu hela iha uma ne'e.
"Taun ne'e mak sira foti kriteria ida hapara so ema sira ne'ebé faluk iha oan mak merese hetan abanbairua nia mate karik sira bele transfere fali uma ne'e ba sira-nia oan", haktuir nia.
Antes ne'e, Ministru Administrasaun Estatál (MAE), Miguel Perreira de Carvallo hatete, iha tinan 2022 Governu kontinua halo uma ba kbi’it laek (UKL) sira iha kada suku bele hetan uma sia (9) to'o sanulu (10).
"Parlamentu Nasionál (PN) aprova ona orsamentu purvolta 71.6 millaun atu halo uma ba populasaun sira iha tinan oin konforme ita-boot sira mínimu kada suku halo uma 9 to'o 10 suku balun bele sia (9) no suku belun bele halo to'o 10”, informa Ministru Miguel.
Tanba iha tinan 2021 Governu konsege halo uma tolu iha kada suku iha aldeia ida maibé tanba hetan apoiu maka'as husi populasaun sosiedade sivíl no akademika sira tanba ne'e iha PN aprova tan osan US$71.6 ba tinan 2022 hodi kontinua halo uma ba komunidade sira. (*)
