"Partidu PLP seidauk iha hanoin atu kandidata, iha kalae?. Tanba mekanizmu partidu nian ne'e sei iha enkontru alargada, konferénsia sira ne'e sei deside iha ou lae?. Se laiha mós, sé de'it mak ba ita hotu ezerse direitu síviku hodi hili lidera ita-nia nasaun iha tinan oin mai", dehan nia hafoin hasoru malu ho PR Lú Olo iha Palasíu Prezidensiál Bairopite, kinta (06/12).

Maibé kona-ba plataforma partidu PLP ho FRETILIN no Khunto ne'e  viabiliza oinsá governu ne'e lori to'o nia mandatu rohan, maibé iha polítika ne'e dehan, laiha buat ida mak impossível, maibé plataforma ne'e hodi  gia polítika ida oinsá atu lori governasaun ne'e to'o nia rohan.

"Enkuantu iha 2022 ita iha preparasaun ba eleisaun prezidensiál, tanba ne'e mak prezidente bolu Partidu Libertasaun Popular hanesan partidu polítika ida, para prezidente informa, kona-ba data Eleisaun nian antes dekreta, prezidente informa ba partidu politiku, aumesmu tempu prezidente rona opiniaun husi partidu polítik liliu partidu PLP", esplika nia.

Maibé tanba konstituisaun define ona konpetensia eskluzivu Prezidente Repúblika nune'e mós lei Prezidensiál ne'ebé define katak, antes loron 60 prezidente tenke dekreta ona data eleisaun Prezidensiál.

"Tanba ne'e mak partidu Libertasaun popular ohin mai, prezidente konvida hodi informa, nune'e rona opiniaun husi partidu  PLP nian", reafirma nia.

Prezidente Repúblika husu hanesan partidu politika kontribui tanba sei iha períodu ida Coronavírus, klaru tama iha kampaña halibur ema barak, entaun partidu politiku nia papel oinsá ko'alia ho populasaun sira uza máskara, no kampaña modelu saida depende ba organ eleitorál mak define.

Nune'e mós husu sé de'it mak kandita-an partidu hothotu apoiu, tanba partidu polítik nia kontribuisaun ba estabilidade polítika, estabilidade, no prosesu tomak tenke la'o tuir regra sira ne'ebé iha lei eleisaun presidente nian. (*)