Planu ba diálogu ne’ebé halo autoriedade munisípiu Manatutu, dadaun ne'e prepara hela simu vijita husi Xefe Governu ho kometiva.

Tuir informasaun ne'ebé www.tempotimor.com asesu iha Gabinete Primeiru Ministru (GPM) iha loron kinta (06/01) katak, vizita Traballu no Diálogu Primeiru Ministru (PM), Taur Matan Ruak, ho Autoridade Lokál no Komunitária ne'e tuir Konstituisaun da RDTL.

Tanba Primeiru Ministru iha kompeténsia ne'ebé Dekretu-lei define, atu xefia Governu no prezide Konsellu Ministrus, dirije no orienta politika jeräl Governu nian no asaun governativa hothotu.

Governu no Konsellu Ministrus iha ninia relasaun ho Prezidente Repúblika no Parlamentu Nasionál, koordena sistema integradu kona-ba seguransa nasionál, orienta politika jerál Governu nian iha área defeza, seguransa no inteljénsia nasionál, orienta politika jerál Governu nian iha nia relasaun ho nasaun seluk no reprezenta Governu iha komunidade internasionál.

Nune'e mós sei iha politika jerál Governu nian iha área jestaun finanseira, inklui setór bankáriu, sistema fiskál no investimentu Fundu Mina-Rai nian, ezerse podér sira tutela nian kona-ba Rejiaun Administrativa Espesiál Oekussi Ambenu no kona-ba Zona Espesiál Ekonómia Sosiál Merkadu Oekussi Ambenu no Ataúro.

Alende ne'e mós,  jere sistema tekonolojia intormasaun Governu nian no asegura prestasaun husi servisu sira-ne'e, nune'e mós implementa sistema informátika nian iha territóriu nasionál, iha ligasaun ho departamentu Governamental sira ne’ebé iha kompeténsia kona-ba ida-ne'e.

Nune’e promove fortalesimentu institusionál Estadu nian, promove politika inkluzaun no apoiu ba emprendedorizmu ba feto, noezerse kompeténsia sira seluk ne'ebé prevé iha Konstituisaun no iha Lei no hirak ne'ebé la atribui ba membru Governu sira seluk.

Nu'udar Xefe Governu, Primeiru Ministru iha podér atu fó-sai diretiva nomós orientasaun servisu ba kualkér membru Governu sira inklui orgaun Governu sentral até lideransa lokál no komunitáriu Prezidente Autoridade ka Administradór Munisipiu no Xefe Suku sira atu foti desizaun sira kona-ba matéria hirak introduz husi Governu daualu nian ba intreses komum.

Tanba ne'e, Xefe Governu mós iha dever atu sensibiliza progresu servisu Governu nian tomak hahú husi tinan 2018 to'o 2021 nomós hato'o planu prioridade Governu nian tinan 2022 ba autoridade lokál sira, lideransa Komunitária sira, ba entidade lokal sira nomós ba populasaun sira iha Munisípiu 13 no RAEOA atu realiza atividade vizita traballu husi PM Taur Matan Ruak nian. 

Iha vizita traballu ba Munisípiu Manatutu, lia-na’in sira husi Munisípiu Manatutu simu PM Taur ho lia dadolin, tuir lisan husi Munisípiu Manatuto nian. (*)