Despaisu Ministru Obras Publika, Abel Pires, ba Konkursu Publiku Projetu Konstrusaun Estrada Laklubar.
Foto Suplay
Tempotimor (Dili)-Ministru Obras Públikas (MOP), Abel Pires da Silva, hasai ona despaxu autorizasaun ba Komisaun Nasionál Aprovizionamentu (KNA) atu inisia prosesu Konkursu públiku ba konstrusaun estrada husi Rotunda Laklubar nian to’o Postu Administrativu Laklubar Vila, Munisípiu Manatutu nian.
Tuir informasaun ne’ebé www.tempotimor.com asesu iha pájina MOP, sesta (12/05) katak, projetu konstrusaun ba estrada refere ho distánsia Kilometru 10.3 (10.3KM) ho valór orsamentu estimasaun hamutuk millaun $5 resin.
Dezeñu Enjeñaria Detalladu (DED) ba projetu refere hetan ona verifikasaun husi Ajénsia Dezenvolvimentu Nasionál (ADN) no hetan ona deliberasaun husi Konsellu Administrasaun ba Fundu Infraestrutura (KAFI) iha loron 02 fulan-Maiu tinan 2023. (*)
Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
www.tempotimor.com
Error: No articles to display
.
