Login to your account

Username *
Password *
Remember Me

CNRT Hahú ‘Rekoiñese’ Susesu Taur ba Ró Berlin Ramelau

Ró Berlin Ramelau atraka hela iha Portu Dili, segunda (20/12). Ró Berlin Ramelau atraka hela iha Portu Dili, segunda (20/12). Foto Suplay

Tempotimor (Dili)-Bankada Opozisaun Congresso Nacionál de Reconstrução de Timor (CNRT) hahú rekoiñese susesu Governu ne’ebé lidera husi Primeiru Ministru (PM), Taur Matan Ruak, kona-ba susesu Ró Berlin Ramelau.

"Di'ak, hanesan opozisaun ne'e, ami apoiu 100% ba Ró ne’ebé mak agora dadauk inaugura, tanba presiza tebtebes kona-ba Oekussi-Ataúru nia viajen ba mai”,  deklara Deputadu CNRT, Domingos de Carvalho,

 hafoin partisipa serimónia entrega Ró Berlin Ramelau iha Portu Dili, segunda (20/12).

Bankada CNRT konsidera Ró Ramelau ne'e hanesan sorteu ida tanba bele substitui ona Ró Nakroma no Susesu.

"Tanba Ró susesu mós to'o agora seidauk bele mai, ida ne'e, entaun ida ne'e bele to'o mai, ohin inaugura para bele halo operasaun Dili-Oekussi no Dili-Ataúru, hodi hein sira seluk to'o tán mai bele substuitutu tan ida ne'e, para ajenda ba sira hodi bele troka malu”, hatete nia.

Pozisaun CNRT durante ne'e sempre kestiona no ko’alia bebeik atu Ró ne'e bele to'o hodi fasilita komunidade sira iha parte Oekussi no Ataúru ne’ebé presiza dunu.

"Ne'e mak ami ko’alia ne'e, mais la'ós dehan ita ko’alia ne'e atu hakarak buka provoka malu buat ne’ebé mak ita labele ko’alia nian ne'e la’e. Opozisuan ko’alia buat ne’ebé mak konstrutivu atu hadi'a, para ita l-nia populasaun sira mós bele sente kontente”, afirma nia.

Maske Ró ne'e foun no kapasidade boot, maibé CNRT hanoin katak seidauk bele sufisiente tanba iha ne'e desloka ba Oekussi, filafali mai, depois nia la deskansa ba filafali Ataúru ida ne'e labele.

"Tanba ida ne'e ohin dehan hein tán susesu bainhira kuandu to'o tan mai, e nakroma sementara agora sira dehan atu hadi’a ona ka la’e, agora manutensaun lahatene depois mak ita haree tok”, esplika nia. (*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter