"Ha'u espera katak, iha futuru bele hametin kooperasaun iha oportunidade iha área oioin, partikularmente iha setór privádu, liuhusi programa hanesan traballu ka Seasonal Worker Programme (SWP) ba Austrália, tanba Governu Austrália hakarak haburas programa ne'e, Austrália mós hakarak atrai investór sira husi Austrália maiTimor-Leste,, nomós hametin kooperasaun entre Governu ho Governu", dehan Embaixadór Petter hafoin hasoru malu ho PR Lú Olo iha Palasíu Prezidensiál Bairopite, segunda (20/12).
Nune'e Prezidente Repúblika kontente tebes kona-ba kooperasaun entre Timor-Leste no Austrália partikularmentu tempu Coronavírus, tanba servisu hamutuk iha área vasinasaun, Austrália lori ona vasina barak, no sei kontinua servisu nafatin iha área ne'e.
"Prezidente Repúblika espera katak, iha futuru Austrália no Timor-Leste bele hametin kooperasaun, tanba iha oportunidade”, hatete Embaixadór Petter.
Kona-ba kooperasaun Austrália nian ho Timor-Leste iha médiu prazu no kurtu prazu, dadaun ne'e Austrália iha programa boot iha área dezenvolvimentu, ne'ebé halo parte ba l setór oioin, inklui mós agrikultura nian, Programa Nasional Dezenvolvimentu Suku (PNDS), inklui suporta mós Governu ho setór privádu sira.
Kooperasaun ida ne'e sei kontinua nafatin, tanba kada tinan Austrália sempre apoia orasmentu ho montante totál kuaze milliaun 100, dolár Australianu hodi apoia programa sira iha Timor-Leste no ida ne'e sei kontinua.
"Maibé, ha'u mós fiar katak, iha oportunidade iha área seluk, partikularmente setór privádu no ne'e iha kna'ar ba Governu rua mós atu enkoraja setór privádu atu servisu hamutuk suporta ba Austrália, importa mai Austrália l, investe iha Austrália, investe iha Timor-Leste, ne'e mós oportunidade", haktuir nia.
Maibé Embaixadór Petter triste tanba labele iha Timor-Leste tinan naruk liu tanba nia misaun termina ona no iha fulan ida ne'e sei fila hikas ba Austrália.
"Ohin ha'u halo enkontru despedida ho Prezidente Repúblika, tanba ha'u hela iha Timor-Leste durante tinan haat, no ha'u sei fila ba Austrália, fulan ida ne'e. Entaun, triste oituan, tanba ha'u labele iha Timor-Leste naruk liu, maibé ha'u kontente tebes durante tinan haat ne'e, iha kooperasaun di'ak entre Timor-Leste ho Austrália”, afirma nia.
Kooperasaun di'ak sira ne'ebé durante Austrália no Timor-Leste iha mak hanesan iha tempu inundasaun, Coronavírus nianian ne'ebé tempu difísil no Austrália hanesan nasaun viziñu, kolega ho parseiru tenke servisu hamutuk.
"Entaun, iha tempu ne'e, Austrália no Timor-Leste, koopera didi'ak, nomós tinan tolu liubá, Austrália no Timor-Leste konkorda ona fronteira marítima. Entaun, ne'e relasaun entre Timor-Leste no Austrália la'o di'ak, no ha-u informa kona-ba kooperasaun ho prezidente repúblika", hatete nia. (*)
