"Parlamentu Nasionál mós aprova 100 itál milhões ba dezastre naturál, aplika ba saida?, estrada be rahun ne'eba la halo, no Tibar nia la halo, foin mak hahú, ha'u lahatene keta kotu tan ona karik, ne'ebé esplika tok”, dehan nia hafoin hala'o audénsia públika ho Vise Primeiru Ministru (PM) no Ministru Planu Ordenamentu (MPO), Jose Reis iha PN, tersa (16/11).
Bankada CNRT husu presiza esplika kestaun ne'e tanba agora mós udan boot hahú mosu dadaun ona.
"Preparasaun saida, tanba señor primeiru ministru rasik, ko'alia katak worning husi metrolojia ne'e ita tenke atensaun ba intensidade udan atu mai iha tempu badak”, dehan nia.
Tanba ho udan ne’ebé mak mosu, konsege hamosu inundasaun iha aeroportu, ne’ebé mak halo aviaun Citilink mós iha bee laran.
"E horseik ha’u rona mós husi Indonézia, NTT (Nusa Tengara Timor) sei kona mós hanesan iha dia 4 de abril, liu tiha husi ita ba fali sira e sira mós banjir. Entaun ita iha ne'e oinsá ho preparasaun, ho hamoos baleta (drainajen), ke iha lixu, ita-boot nia programa oinsá”, hatete nia.
Purtantu, asuntu seluk mak kona-ba alokasaun orsamentu ba Ministériu Planu Ordenamentu no Teritorial, bankada CNRT nota iha orsamentu tinan 2021, hamutuk tokon US$ 14.8, maibé ba fali tinan 2022 ne'e tun fali ba tokon US$2.9, ida ne'e hamosu duvida.
"Ida ne'e poupansa ka ou UPMA ho Ministériu Finansa mak koa tiha de'it, dehan imi-nia orsamentu mak ida ne'e tenke simu ida ne'e, tanba ita poupa. Maibé ha’u hakarak atu haree ezekusaun iha 2022, making menbinggunkan”, afirma nia. (*)
