Login to your account

Username *
Password *
Remember Me

KI Konsidera Subsídiu US$5 ba Jornalista Injustisa Profisaun 

Prezidente Konsellu Imprensa (KI), Virgílio Guterres. Prezidente Konsellu Imprensa (KI), Virgílio Guterres. Foto Suplay

Tempotimor (Dili)-Prezidente Konsellu Imprensa (KI), Virgílio Guterres, konsidera subsídiu liña frente US$5.00 ba jornálista hamosu injustisa profisaun. 

"Tanba jornalista sira iha kareira profesionál ona, sira ne'e profesionál iha skill, entaun atribuisaun subsídiu ne'eba profesionál sira seluk hetan boot liu, no Jornalista ho montante ida hanesan US$5.00 pesoalmente hanoin ne'e injustisa boot ida ba profisaun, la'ós ba jornalista, maibé ba profisaun jornalista, nafatin husu ba jornalista sira labele deszanima ho osan halo ita lakon ita-nia animu atu servisu maibé, kontinua nafatin servisu, tanba ita-nia kontribuisaun boot liu osan US$5.00”, dehan Virgílio Guterres, hafoin halo abertura ba kongresu ekstraordimáriu Timor-Leste Press Union, iha Delta Nova, sábadu (13/11).

Deklarasaun osan montante US$5.00 ne'ebé fó ba jornalista sira ne'e, la'ós atu boot liuba médiku sira maibé labele konsidera hanesan non skill tanba labele haluha katak profisaun jornalista ne'e mós profisaun ida ne'ebé iha demokrasia ne'e nia mós hetan previleziu, atu servi públiku ho informasaun.

Durante situasaun pandemia COVID-19 iha konfinamentu obrigatóriu, serka sanitária, jornalista barak mak sakrifika sira-nia an atu kontinua fó informasaun iha sentru kuarentena sira.

Tanba ne’e jornalista sira mós iha risku, ariska sira-nia an, entaun bazeia ba ida ne'e labele konsidera jornalista tama iha grupu ne'ebé  non Skill.

"Atu hatete ba jornalista sira katak labele sente dezanima ho ida ne'e, kontinua ko'alia ba injustisa ne'e, maibé injustisa labele halo ita lakon ita nia animu  tanba ita servisu la'ós ba osan US$5 ne'e, maibé tanba ita-nia responsabilidade atu serví públiku, la’e ema hatete katak ita-nia servisu ne'e mai tanba ho US$5 ne'e”, hatete nia.

Haree ba situasaun ida ne'e KI enkoraja ba Asosiasaun Jornalista Timor-Leste (AJTL) ho Timor-Leste Press Union (TLPU) liuhusi nia responsável sira bele halo komunikasaun ne'ebé di'ak ho Governu, liliu Ministériu ne'ebé relevante, katak sé osan laiha di'ak liu lalika fahe husu ba kompaña sira ne'ebé jornalista sira servisu ba ne'e atu haree, la'ós Governu halo deklarasaun ida to'o ema hein kleur ikus mai sai ho desizaun ida  deskriminativu no halo ema dezanima. 

"Tanba jornalista sira ne'e profesionál, barak iha nia karteira profesionál, atu hakerek notísia ne'e presiza skill mak fó informasaun no jornalista ne'e mós iha nia kódigu profesionál, hanesan médiku, advagadu ne'ebé iha kódigu profesionál, agora ita servisu bazeia ba kódigu profesionál no ikus mai hamosu desizaun ida ne'ebé hatete katak non skill, entaun siknifika ita la'ós profesionál tanba ita laiha skill, ha'u hanoin iha ne'e mak ita konsidera injustisa”, afirma nia. (*)

Rate this item
(0 votes)
Last modified on Saturday, 13 November 2021 18:27
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter