Login to your account

Username *
Password *
Remember Me

KI Organiza Forum Diálogu Internasionál, Hatudu Vizibilidade Mídia Timor-Leste iha Sudeste Aziátiku

 Prezidente KI, Virgílio da Silva Guterres. Prezidente KI, Virgílio da Silva Guterres. Foto Suplay

Tempotimor (Dili)-Órgaun reguladór Komunikasaun Sosiál, Konsellu Imprensa (KI) deside organiza forum diálogu internasionál ho tema espesífiku “Media Challenge In Timor-Leste and Southeast Asia” katak hatudu vizibilidade mídia Timor-Leste nian iha sudeste aziátiku.

“Vizibilidade Timor ninian, katak Timor-Leste maske foin, ita sempre uza dehan nasaun ne’ebé mak hetan ukun-an ikus liu nasaun sira seluk iha Ázia, iha Sudueste Aziátiku, maibé hahú hatudu ninia prezensa, ninia vizibilidade iha rejiaun ida-ne’e”, dehan Prezidente KI, Virgílio da Silva Guterres, iha Salaun CNE, Kaikoli, kinta (25/08).

Forum diálogu ida-ne’e sai mós eventu Internasonál ida ne’ebé KI halo hahú kedan husi tinan 2017 no eventu anual ida-ne’e, baibain realiza iha loron 10 maiu, koinside ho aniversáriu KI ninian.

Tanba orgaun reguladór Konselu Imprensa ne'e mosu iha 2016, no servisu hamutuk ho órgaun ka plataforma rejionál sira hanesan PER iha Comunidade dos Paises de Lingua Portuguêsa (CPLP), no iha Sudeste Aziátiku.

Orgaun Komunikasaun Sosiál iha Timor-Leste ninia kredivel ne’e maka’as liután, tanba KI sai ko-fundadór ba estabelesimentu Rede Konsellu Imprénsa Sudeste Aziátiku nian, ka “Southeats Asia Press Councel Net Wrok”.

Dadauk rede Konsellu Imprensa Sudueste Aziátiku ida-ne’e, lidera husi Indonézia no loloos ba ona Mianmar, maibé tanba sira iha problema ba mudansa politika iha laran, entaun Indonézia mak sei lidera.

Tanba ne'e, eventu “The Dili Dialogue Forum” ida-ne’e nia prinsipiu ida mak atu vizibiliza prezensa Timor-Leste nian iha rejiaun Sudueste Aziátiku, liliu nafatin fahe esperiénsia iha aspetu mídia nian.

“Ida-ne’e mak esénsia hosi forum ida ne’e. Forum ida-ne’e, alende atu diskute esperiénsia, fahe esperiénsia, ida mós ba Timor atu vizibiliza ninia-an, liliu iha aspetu mídia ninian”, esplika nia.

Tuir dadus Reporter sein Fronteira ne'ebé Prezidente Repúblika rasik mós ko'alia ona katak index Liberdade imprénsa Timor-Leste nian ne’ebé uluk 71, maibé iha tinan 2022 konsege tun ba 17.

Ba rezultadu ida-ne'e mak KI sei kontinua buka oinsá organiza eventu sira ne’e atu mantein, nune’e bele fó mensajen ba politiku sira no ba ema sira ne’ebé mak dala-ruma konsidera mídia ne’e sai hanesan obstakulu ba sira.

Maibé husu atu Polítiku sira tenke muda hanoin sira-ne'ebe dehan obstakulu, tanba média ne'e tenke sai parseiru krítiku ba politiku sira, parseiru kritiku ba sosiedade nian, liliu atu kontribui ba objetivu komún no hari’i sosiedade ne'ebé demokrátiku Timor ninian, sosiedade ne’ebé mak inkorpora ho rai selseluk, plataforma rejionál sira. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter