"Rate Santa Cruz ho monumentu espesiál ida ba erói no mártires sira sei nakfilak ba fatin importante ida iha roteiru istóriku, turístiku no edukativu ba ema hotu iha rai laran no vizitante sira husi rai-liur”, dehan Lú Olo, hafoin partisipa komemorasaun loron masakre 12 Novembru ba dála-30 no komemorasaun loron Nasionál Juventude dala 16, iha semitéiru Santa Kruz, sesta (12/11).

Prezidente repúblika mós sente ho laran ksolok tanba projetu hari’i monumentu 12 novembru, iha rate Santa Cruz, hahú dadaun ona, no hein katak monumentu ne'e sei prontu duni iha tinan 2022 nia laran, ho kualidade di'ak, molok tama loron 12 novembru tinan 2022. (*)