Login to your account

Username *
Password *
Remember Me

TLPU Ejize PNTL Anula Notifikasaun ba Xefe Redasaun no Jornalista Independente

Ekipa TLPU halo hela konferensia imprensa iha Edifisiu TLPU, Tabessi, segunda (24/10). Ekipa TLPU halo hela konferensia imprensa iha Edifisiu TLPU, Tabessi, segunda (24/10). Foto Suplay

Tempotimor (Dili)-Organizasaun Timor-Leste Press Union (TLPU) ejize ba Komandante Jeral Polisia Nasional Timor-Leste (PNTL), komisiáriu Faustino da Costa atu hatun lalais despaisu ida hodi anula notifikasaun ne'ebé Polísia Servisu Investigasaun Kriminál (SNI) haruka ba Xefe Radasaun ho Jornalista husi Diariu Jornal Independente.

Tanba, tuir TLPU nia haree ba públikasaun notisia rua iha diariu jornal independente prienxe hela rekezitu tuir lei komunikasaun sosial iha artigu 2 no kodigu dentolójia jornalista nian.

"Tanba ne'e, TLPU ejize ba Komandante PNTL, Komisáriu Faustino da Costa, ho tempu urjente orienta ka hatun despaisu ida ba Polísia Servisu Investigasaun Kriminál hodi anula karta notifikasaun ne´ebé atribui ba Jornál Diáriu INDEPENDENTE, tanba só úniku dalan ne’e mak bele garante Liberdade Imprensa ne’ebé konsagra ona iha Konstitusaun Repúblika Demokrátika Timor-Leste," dehan Sekretariu Jeral TLPU, Zezito da Silva iha Edifisiu TLPU, Tabessi, segunda (24/10).

Pozisaun Timor-Leste Press Uniaon (TLPU) nian klaru hela, nu’udar organizasaun jornalista ne’ebé ho misaun sagradu fó advokasia ba liberdade imprensa no liberdade espresaun hodi hametin demokrasia, ne’ebé previstu ona iha konstituisaun RDTL artigu 40 no 41, ko’alia kona-ba promove direitu sira ba asesu informasaun nian no direitu ba jornalista atu kobertura hodi defende ba lia-loos.

Bazea ba ne’e, TLPU nu´udar organizasaun ne’ebé fó mahon ba jornalista timoroan tomak atu promove no defende direitu jornalista sira nian bainhira hala´o kna´ar profissionál iha órgaun komunikasaun sosiál.

Tanba, tuir lei komunikasaun sosiál artigu 20 ne'ebé define kona-bá dever jerál katak, jornalista tenke sai kontrolu sosiál, aleinde informa, eduka no diverte. Tanba ne´e JORNAL DIÁRIU INDEPENDENTE, halo publikasaun notísia, ho títulu “Ezijénsia Demite Gastão, Komisáriu Mateus: PNTL Simu Karta Hosi Vise MJ, Vise MI ho Vise MOP, inklui mós notísia ho títulu, “Naimori Hatudu Forsa” Deskonfia Vise MI Haruka Karta Ba Komandu PNTL Demite Gastão.”

Publikasaun ne’e, iha loron 21 fulan-outubru, Jornál DIÁRIU INDEPENDENTE, simu karta notifikasaun hosi Polisia Nasionál Timor-Leste (PNTL) liuhosi Servisu Investigasaun Kriminiál, ho númeru ofísiu 112/Gab/CHEFE/SIC/PNTL/X/2022, ho nia karater “Urjente” atu halo identifikasaun ba Jornalista Domingos Gomes no Xefe Redasaun Jornal Diáriu INDEPENDENTE, Jorginho Dos Santo, tuir kódigu Prosesu Penál artigu 53 tanba deskonfia komete krime.

Nune'e, TPLU sente hakfodak no triste, tanba karta hosi Instituisaun Estadu hanesan PNTL ne’ebé lidera hosi Komisáriu Faustino da Costa, bele uza fali kódigu prosesu penál artigu 53, hodi krimináliza fali obra jornalístiku.

Tanba iha artigu 53 ne’e, TLPU konsidera hakarak hamate prinsípiu Liberdade Imprensa, ne’ebé konsagra ona iha Konstituisaun Repúblika no la respeita desizaun Estadu Timor-Leste ne’ebé lansa ona loron Nasionál Liberdade Imprensa monu iha loron 16 fulan-outubru, foin lalais ne’e iha Balibo.

Nune’e mos ezije ba Komandante Servisu Investigasaun Kriminál atu halo kanselamentu ba identifikasaun, ne’ebé sei hala’o iha loron 24 outubru, tuku 9:00, dader, tanba bele hamate integridade PNTL nu’udar instituisaun seguransa iha país demokrátiku ne’e.

TLPU ezije mos ba PNTL katak notísia rua ne’ebé públika iha Jornal INDEPENDENTE mak halo ema ruma vítima ka ho faktu balun la loos bele uza direitu resposta no retifikasaun ho baze ba lei komunikasaun sosiál artigu 2 iha aliña F katak “Direitu hodi halo loos”, direitu ba ema singulár ka koletivu ida-idak hodi halo loos notísia ne’ebé publika ka fó sai faktu be laloos kona-ba nia.

TLPU mós konsidera Konsellu Imprensa (KI) “Falla” halo sosializasaun lei Komunikasaun Sosiál 5/2014, ba Instituisaun Estadu sira liuliu PNTL hodi uza direitu resposta no retifikasaun. Nune’e husu KI atu kontinua ativa hodi halo sosializasaun atu sidadaun hotu bele hatene no labele kriminaliza jornalista ho nia obra jornalistiku.

TLPU husu ba Públiku tomak katak, jornalista ne’e la’ós krime, tanba ne’e bainhira sidadaun sente servisu jornalizmu iha buat ruma la loos, Lei Komunikasaun Sosiál nian iha atu rezolve no halo mediasaun, la’ós lori kódigu prosesu penál akuza jornalista, tanba de’it ninia obra jornalístika.

Nune’e, Sekretariu Estadu Komunikasaun Sosiál (SEKomS), Juvinal Mericio "Akara" hatete, lei komunikasaun sosial fo dalan ba sidadaun sira liliu inestituisaun públiku atu hato'o diretu resposta ba média bainhira la kontente ho públikasaun notisia.

"Sé ita-nia media halo sala ruma ne'e, utiliza de'it lei sira ne'ebé ejiste liliu lei komunikasaun sosial, sé iha ema balun mak ladun kontente, sente iha públikasaun ka notísia balun ne'e la refleta sira-nia hanoin e sira diskonkorda, lei komunikasaun sosial fó dalan ba sira atu halo diretu de resposta," nia dehan

Tanba ne'e, Governu nia pozisaun nafatin mantein liberdade imprensa ne'ebe nia baze mak atu dezenvolve media nomos demokrásia iha Timor-Leste, tanba liberdade imprensa ne'e hanesan kritériu prinsipal ne'ebé Timor-Leste labele hases. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter