Login to your account

Username *
Password *
Remember Me

Lú Olo Prontu Rekandidatu ba Prezidente Repúblika 2022-2027 

Prezidente Repúblika (PR), Francisco Guterres 'Lú Olo'. Prezidente Repúblika (PR), Francisco Guterres 'Lú Olo'. Foto Suplay

Tempotimor (Dili)-Prezidente Repúblika (PR), Francisco Guterres 'Lú Olo' deklara, nia parte prontu rekandidata ba Prezidente Repúblika iha períodu 2022-2027, bainhira povu tomak fó konviansa.

"Prezedente prontu atu kandidatu, se bainhira povu tomak hakarak atu prezidente ne'e kandidatu filafali, ne'e ha’u hakarak dahan hanesan ne'e", dehan PR Lú Olo hafoin partisipa selebrasaun 12 Novembru iha Santa Cruz, sesta (12/11).

Bainhira povu la prontu, Prezidente Republika labele rekandidatu halo saida, tanba povu la iha konfiansa.

Xanana Lori Lú olo ba Palásiu Prezidensiál iha 2017

Prezidente Partidu Kongresu Nasional Rekonstrusaun Timor (CNRT), Kay Rala Xanana Gusmão, konsege lori Franciscos Guterres ‘Lú Olo’, ba Palásiu Prezidensiál hanesan prezidente ba períodu tinan 2017-2022.

Tanba realidade ne’ebé hatudu iha loron 23 fulan-janeiru tinan 2017, Prezidente Partidu Kongresu Nasional Rekonstrusaun Timor (CNRT), Kay Rala Xanana Gusmão, deside fó apoiu ba prezidente Partidu Frente Revolusionáriu Timor-Leste Independente (Fretilin), Francisco Guterres ‘Lú Olo’, ba Prezidente Repúblika períodu 2017-2022, halo duni mudansa ba luta Partidu Fretilin durante tinan 10 nia laran.

“Hanesan pesoál ha’u “Xanana” fó apoiu ba señor dotor Lú Olo”, deklara Xanana iha Aeroportu Internasionál Prezidente Nicolao Lobato, Komoro, Díli.

Hanesan Partidu polítiku ida, sei hein desizaun másimu iha kongresu partidu CNRT nian nu’udar desizaun mais alta ne’ebé sei akontese.

“Hanesan pesoál. Partidu seidauk tanba serbisu ne’e mak ami adia hela kongresu. Hanesan pesoál, ha’u iha ha’u nia alin ida”, dehan Xanana.

Francisco Guterres kandidata-an iha eleisaun Prezidensiál dala rua tutuir malu la konsege manán maioria iha segunda ronda hodi ba tur iha Palásiu Prezidensiál, Maske hakarak duni sai Xefe Estadu Timor-Leste.

Haree ba forza Politika Lú Olo ne’ebé hetan apoiu husi partidu Fretilin hodi hakat ba ronda dahuluk, la konsege hakat liu ronde daruak.

Iha tinan 2017, Xanana rasik deklara hodi deside fó apoiu ba Francisco Guteres ‘Lú Olo’, ne’ebé konsege ba Palásiu Prezidensiál.

Ho ida ne’e hatudu figura Xanana Gusmão importante no sai nafatin determinante ba kandidatura ne’ebé sei avansa iha eleisaun Prezidente Republika iha períodu tinan 2022-2027. 

La dúvida ho prezensa Xanana ne’ebé hatudu iha Eleisaun Prezidensiál 2007 konsege lori José Ramos Horta sai Prezidente Repúblika ho maioria iha ronde daruak kontra kandidatura Lo Olo. Nune’e mós iha tinan 2012 Xanana kontinua hatudu ninia figura hodi fó apoiu ba Taur Matan Ruak ne’ebé sai duni Prezidente Repúblika.

Xanana Gusmão ne’ebé deklara hodi fó fiar ba Lú Olo, tanba hatene Konstituisaun Repúblika, maske foin aprende mas bele implementa ho di’ak.

Hafoin assume kna’ar hanesan Prezidente Repúblika ikus mai Xanana rasik kondena fali Lú Olo dehan sarjana supermi, la komprende no kontra konstituisaun.

Tanba ne’e, Xanana kontra rasik nia konsiénsia no deklarasaun ne’ebé halo bainhira apoiu kampaña ba Kandidatura Prezidente Repúblika Lú Olo iha tinan 2017.

Francisco Guterres ‘Lú Olo, mós hetan kritika maka’as husi Xanana Gusmão ne’ebé kontinua deklara Lú Olo iha interese politiku maka’as hodi hadau malu ukun atu envolve Fretilin iha Governasaun.

Ba eleisaun Prezidensiál tinan 2022, Lú Olo ne’ebé aten brani deklara ba públiku hodi kompete nafatin iha Eleisaun Prezidensiál tinan 2022. (*)

Rate this item
(1 Vote)
Last modified on Friday, 12 November 2021 18:24
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter