“Ha'u hatete bosok tanba tinan kotuk mós bosok, e agora ita-boot bosok. Haksolok hatudu loloos ona”, dehan deputada CNRT, Maria Fernanda Lai, iha Parlamentu Nasional, kinta (11/11).
Tanba ne'e, husu autoridade RAEOA atu esplika tok sira-nia ezekusaun balun ne'ebe to'o agora sei husik mamuk, (zero-pursentu) husi ezekusaun real 18 pursentu.
"Ha’u hanoin ita tenke rekoiñese buat ida ne'e, lei fó dalan ba RAEOA bainhira osan la uza husi fundu konsolidadu hela hotu iha ne'ebá e la haruka fila, ida ne'e mak pior liu”, hatete nia.
Tanba orsamentu iha tinan 2021 ne'e RAEOA foti liu, tanbasa tau osan iha ne'eba maibé la gastu, inklui mós Ró haksolok.
"Sadar ka la'e señor prezidente autoridade, ita hatene katak ita-nia osan sei hotu iha tempu badak, e ita-boot kastigu, inklui povu oekusi-atauru ke ita-boot la asisténsia”, dehan nia.
Iha ne'e, dokumentu balun ne’ebé CNRT simu, kona-ba orsamentu terseiru trimestre husi RAEOA, hatete iha pájina 25 katak kobransa reseita ne'e totál rihun US$600 de'it, maibé iha portal transferénsia ne'e totál rihun US$84.
Ho ida ne'e CNRT deskonfia dalaruma iha buat balun ne’ebé mak prezidente RAEOA subar hela. (*)
