"Sim, konfirmadu, katak nia (João Mariano Saldanha) sei kompete iha Eleisaun PR”, deklara Portavoz grupu Reprezentativu Juventude Munisípiu 12 inklui Rejiaun Administrativu Espesiál Oekusi Ambeno (RAEOA), Rui Soares Lopez, iha Jardin 5 de maio, domingu (24/10).

Ho desizaun konfirmadu ne'e, mak  juventude sira mós hahú hala'o esforsu hodi sosializa informasaun ba aldeia no suku iha territóriu tomak atubele konvense komunidade inklui eleitór sira oinsá mak fó konfiansa no apoiu kandidatura João Mariano Saldaña.

"Ami iha preparasaun ona, liuhusi juventude munisípiu 12 ne'ebé iha dadaun ne'e ami mós prontu ona ho ami-nia vontade ne'ebé observa duni señor Mariano Saldanha atu kandidata, nomós ami esforsu-an atu halo sosiealizasaun no fó informasaun hodi konvensa komunidade sira iha Munisípiu to'o aldeia”, dehan nia.

Totál membru Grupu Juventude provizoriamente atinje oan na'in-500 ne'ebé mak sei fó apoiu ba Kandidatura João Mariano Saldanha ba Prezidente Repúblila períodu 222-2027.

Ho deklarasaun ne’e jornalista www.tempotimor.com bainhira konfirma Prezidente Partidu Repúblikanu (PR), João Mariano Saldanha hatete, nia parte seidauk iha informasaun, Tanba foin rona tali husi parte jornalista.

“Ha’u foin rona husi ita-boot. Ne’ebé seidauk iha komentáriu”, dehan João Saldanha liuhusi WhatsApp, domingu (24/10). (*)