"Ami reprezentante juventude Munisípiu 12 ho RAEOA ne'ebé estudu iha Dili Laran, husu no apoiu Doutór João Mariano Saldanha atu bele kandidata-an iha eleisaun prezidénsia periode 2022-2027, hanesan Kandidatura Independente ba povu tomak iha Timor-Leste”, dehan Portavóz, Rui Soares Lopez, liuhusi konferénsia imprensa iha jardin 5 maiu, domingu (24/10).
Pozisaun grupu reprezentantiva Munisípiu 12 no RAEAO deside sei apoiu, nomós depozita konfiansa ba João Mariano Saldanha atu kandidata ba PR tanba atu proteje dezenvolvimentu inovativu ne'e presiza ema ne’ebé mai ho esperensia másimu no kapasidade polítika intektuál ne’ebé klaru, ho planu ne’ebé integradu ba futuru nasaun.
“Ami fiar katak Dr. João Mariano Sadanha hanesan Prezidente Repúblika bele servisu hamutuk ho komponente tomak nasaun nia hodi garante soberánia ho unidade nasionál hodi loke dalan ba dezenvolvimentu nasional”, dehan nia.
Iha konstituisaun Artigu 46 fó direitu ba partisipasaun Polítika nomós iha artigu 63 fo biban ba Partsipasaun Polítiku Sidadaun sira nian, nune'e husu atu João Mariano Saldanha, kandidata-an nu’udar Independente.
Iha ejizénsia ne'e, reprezentante juventude Munisípiu 12 no RAEOA mós garante katak João Mariano Saldanha nu’udar figura ida ne’ebé iha koñesimentu, kapasidade politika intelektual, bele rezolve problema ba kestaun situasaun atual ne’ebé agora dadaun Timor-Leste enfrenta. (*)
