"Ai hanoin katak, ita independente ona no ami-nia parabéns ba ami-nia povu Timoroan tomak hotu, ba hothotu ne'ebé hakarak ita-nia rai ne'e sai independente e ohin loron rai ne'e independente ona, mai ita hamutuk fó liman ba malu servisu hamutuk dezenvolve rai ida ne'e hodi sai di'ak no di'ak iha futuru atu nune'e servi ita-nia povu ba moris ne'ebé di'ak liu no moris ne'ebé nakonu ho bem estar", hatete Ministru Francisco iha Palásiu Governu, segunda (23/08).
Ho loron istóriku ne'e MAPKomS lori no diresaun hotu iha hakarak atu kongratula no fó parabéns ba povu Timor-Leste tomak.
Tanba iha tempu ne'ebá Timoroan hothotu hakat ba fatin votasaun hodi bele determina destinu Timor-Leste nia no rezultadu husi votasaun referendu ne'e mak lori to'o ohin loron sai nasaun Independente. (*)