Login to your account

Username *
Password *
Remember Me

Komisaun A Prepara Haruka Projetu Eleitorál Munisipál ba PN

Prezidente Komisaun A (trata asuntu Konstitusionál no Justisa), deputadu Joaquim dos Santos. Prezidente Komisaun A (trata asuntu Konstitusionál no Justisa), deputadu Joaquim dos Santos. Foto Tempo Timor

Tempotimor (Dili)-Prezidente Komisaun A (trata asuntu Konstitusionál no Justisa), deputadu Joaquim dos Santos hatete, komisaun A sei haruka relatóriu no paresér kona-ba diskusaun espesialidade projetu-lei eleitorál munisipál ba meza Prezidente Parlamentu Nasionál (PN) atu ajenda ba diskusaun finál globál.

“Hein tama fali husi resesu, sei hatama fali relatóriu no paresér kona-bá diskusaun espesialidade projetu-lei eleitorál munisipál ba meza prezidénsia depois Prezidente Parlamentu Nasionál mak iha kompeténsia halo ajendamentu hodi halo aprovasaun iha finál globál", dehan nia iha PN, segunda (23/08).

Tanba, projetu lei ne'e, Komisaun A finaliza ona diskusaun no aprovasaun iha faze espesialidade iha munisípiu Aileu hodi kontinua ba diskusaun iha finál Globál.

Objetivu ba projetu-lei eleitorál munisipál ne'e sei fó oportunidade ba sidadaun hotu iha diretu polítika atu partisipa eleisaun ba deputadu lokál no eleisaun ba prezidente kámara iha munisípiu sira, aleinde regula kompeténsia Governu Sentrál nian ligadu ba kompeténsia ne’ebé atribui.

Maibé fazeadamente Governu Sentral kria kondisaun ba munisípiu sira, bele prepara eleisaun ida di’ak ba munisípiu sira-ne’ebé prontu ona, putantu Munisípiu sira-ne’ebé seidauk prontu, prepara-an tanba lei ne’e nakloke, depende Governu prepara kondisaun hodi desentraliza podér ne’e tanba desentralizasaun podér ne’e konstitusionál.

Ho ida ne'e, kompara ho Postu Administrativu Ataúro, kuandu sai ona munisípiu espesiál iha 2022, bele realiza eleisaun maibé totál populasaun lato’o rihun-50, entre rihun-lima (5.000) entaun sira bele hetan kadeira deputadu ne’e 13 de’it.

Nune'e, totál deputadu lokál ne’e depende ba eleitór husi kada munisípiu tanba neutral ne’e rihun-50, no rihun-50 mai kraik iha deputadu 13, enkuantu rihun-50 ba leten másimu deputadu 21 iha kámara munisipál tanba ne'e órgaun eleitorál sira mak sei haree kestaun ne'e. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter