“Objetivu husi akordu ida ne'e atubele asegura implementasaun programa governu eletronika, e akordu ne'e mós haree ba komponente lima, tanba ajénsia TIC ninia papel mak oinsá bele akompaña institutuisaun hotu atu lori governasaun eletronika ida ne'e, tanba ne'e ohin ita hahú estabelese memorandu de entedementu ida ne'e ba tinan ualu”, dehan Diretór Ezekutivu SAMES, Santana Martins, iha edifísiu SAMES kampu Alor, kuarta (11/08).

Ba komponente lima ne'ebé SAMES ho ajénsia TIC halo akordu mak, haree kona-ba SAMES nia website, sistema website ba médiku, (ne'e tipu de dadus ba SAMES nia), haree ba sistema email ofisiál ba SAMES nia, hosting ba SAMES nia sistema aplikasaun, no ikus liu mak kontinua dezenvolve aplikasaun ne'ebé mak SAMES presiza iha futuru.

SAMES sei kontinua servisu ho ajénsia TIC Timor I.P, atubele akompaña hanesan instalasaun otonomos ida ba medikamentu no ekipamentus no uza sistema dijital eletronika.

“Entaun hanoin katak sistema hotu ne'ebé ita estabelese Governu presiza kontrola, depois ho mós konkordánsia ida katak sistema ne'ebé ita iha mak por ezemplu ita-nia komúnikasaun sira ne'e ita uza atravesa email, entaun ita hakarak uza email ofisiál ne'ebé mak estadu oferese ba ita”, hatete nia.

Entretantu SAMES iha kompromisu atu lori sistema provizionamentu ne'e uza sistema aprovizionamentu online atu evita sistema aktu korrupsaun, koluzaun no nepotizmu.

Diretór Ezekutivu Ajénsia TIC Timor I.P, Roberto Caetano hatete, akordu SAMES ho ajénsia TIC ne'e, hala’o ba liu komponente sira nota entedementu ne'ebé asina ona, Tanba ne’e atu asegura implementasaun ba programa Governu eletroniku.

“Ami iha objetivu ida atu tulun duni ita-boot sira husu ka la husu ami iha obrigatóriu tomak atu halo ami-nia an disponivel hodi apoiu ba SAMES”, afirma nia. (*)