“Rekadu husi Papa lori ba Prezidente Repúblika kona-ba vizita anterior, nia (Papa Francisco) konfirma nia iha vontade, mai hodi halo vizita iha Timor-Leste, se possivel, bainhira kondisaun vasinasaun pandemia permite nia sei vizita, ita hotu hein iha fulan primeiru parte iha tinan oin no Papa dehan mai ha’u. ha'u sei ba, ha'u sei ba, ha'u sei ba” dehan Monseñor Marco Sprizzi hafoin enkontru ho Primeiru Ministru, Taur Matan Ruak iha ninia rezidénsia Farol, sesta (23/07).
Tanba ne'e enkoroza povu Timor-Leste atu simu hotu vasina hodi nune'e iha kondisaun hasa’e imunidade hafoin simu vizita Papa Francisco.
Iha ne’e, Papa Francisco hato'o nia agradesimentu tanba Governu Timor-Leste aprova ona Lei migrasaun ba Misionáriu sira hodi hala'o misaun sira iha Timor-Leste.
“Enkontru ho Primeiru Ministru ne'e lori Amu Papa Francisco nia mensajen agradesimentu ba Primeiru Ministru ba aprovasaun lei, ne'ebé halo mudansa lei imigrasaun hodi vistu atu Misionáriu sira hodi fó permisaun atu iha rezidénsia temporária ba tinan lima, ba misionáriu sira ne'ebé mai. Ba povu iha Timor-Leste nia hato'o nia mensajen liuhusi ha'u hodi hato'o ba Primeiru Ministru”, hatutan Monseñor Marco. (*)