“Propinas ba estudante universitáriu ne’ebé mak governu atu subsidia, em kordenasaun ho universidade sira hotu, ninia intendimentu asina hotu ona, e dokementu hotu oras ne'e iha ona sekretariadu fundu covid-19 ne’ebé iha Ministériu Finansas atu foti desizaun ikus halo aprovasaun nune'e transfere ba universidade idaidak, tuir kuantidade universidade sira aprezenta mai governu”, informa Ministru Francisco Jerenimo iha plenária PN, segunda (12/07).
Ba orsamentu ne’ebé atu apoiu ba estudante sira hodi hakma’an sira-nia propina semetre ne'e Ministériu Finansa mak sei foti desizaun hodi bele tranfere direta ba konta bankaria kada universidade nian, depois universidade sira mak sei haree estudante sira ne’ebé selu ona propina, entaun tenke devolve hikas sira-nia osan.
"Tanba tuir akordu katak bainhira estudante sira selu hotu ona, entaun osan ne’ebé mak iha ne'e tenke fó filafali ba nia na’in”, hatete nia. (*)