Login to your account

Username *
Password *
Remember Me

Governu Diskute Sistema Seguransa Ai-hán ba Pre-Simeira Iha Roma

Lansamentu diálogu nasional kona-ba simeira sistema ai-han husi MAP neebé hala'o iha Otél City 8, Canossa Has-laran, tersa (13/07). Lansamentu diálogu nasional kona-ba simeira sistema ai-han husi MAP neebé hala'o iha Otél City 8, Canossa Has-laran, tersa (13/07). Foto Tempo Timor

Tempotimor (Dili)-Governu liuhusi Ministériu Agrikultura no Peskas (MAP), Ministériu Saúde (MS), hamutuk ho Gabinete Primeiru Ministru (PM) ba asuntu apoiu sosiedade sivíl parseiru dezenvolvimentu sira husi nasionál no internasional inklui sosiedade sivíl sira iha Timor-Leste (TL) hahú diskute sistema seguransa ai-hán ne'ebé di'ak ba populasaun iha rai laran, molok partisipa iha Pre-Simerira Ai-hán iha Roma, Itália.

"Sorumutuk ida ohin, tanba ita iha hela preparasaun atu ba pre-semeira iha Roma Itália, tanba ne'e mak ministériu agrikultura ho ninia parseiru sira halibur malu, sosiedade Sivíl e parte hothotu mai para tau hanoin hamutuk, maizoumenus ita-nia ekipa ida ne'ebé mak atu ba reprezenta ita-nia nasaun iha pre-simeira iha Roma ne'e, asuntu saida mak lori ba liga ba ita-nia preparasaun ka ou seguransa ai-hán iha ita-nia rai laran”, dehan Ministru Agrikultura no Peskas (MAP), Pedro Reis hafoin abertura diálogu iha Otél City 8, Kanossa Has-laran, tersa (13/07).

Tanba atu hadi’a sistema seguransa ai-hán iha TL, primeiru tenke hasa'e produsaun, maibé sei iha obstakulu barak mak governu hasoru hela.

"Entaun, hanesan ministru, ha'u-nia orientasaun aproveita biban hanesan ohin ne'e atu atinje ba ita meta atu reduz produsaun iha ita-nia rai laran e ita husu ajuda atu ita-nia parseiru sira bele fó tulun ita”, hatete nia.

Problema seluk ne'ebé difikulta governu atu hasa'e produsaun iha rai laran maka, hasoru situasaun kona-ba bee ne'ebé menus.

"Entaun, ita atu hasa'e produsaun halo nusá. Tanba ne'e mak ohin ha'u sujere, ba futuru, ita tenke halo ona "ceek dam", atu nune'e, pelu-menus tinan ida ita tenke halo kultivasaun ne'e dala-rua, entaun ha'u fiar katak, ho komunidade ne'ebé maka 1,3 de'it ne'e, sé tinan ida ita bele halai natar dala-rua, ha'u fiar katak ita-nia ai-hán ne'e sei sufisiénte”, afirma nia.

Xefe Gabinete PM, ba apoiu sosiedade Sivíl, Filipe da Costa hatete, iha diálogu ne'e ko’alia kona-ba tópiku importante sira mak hanesan, kona-ba sistema ai-hán nian, ne'ebé hahú husi produsaun, ambiente ho konsumu.

"Ita-nia karaterizasaun ba konsumu ne'e la'o, oinsá. Ita sei diskute ida ne'e iha ne'e. Segundu, ita sei ko’alia kona-ba nutrisaun liga ba kresimentu ne'e, la'o oinsá. Tanba ida ne'e sei liga ba ita-nia preparasaun atu partisipa iha World Guthering ne'ebé sei halo iha Tókio, iha mós tinan ida ne'e iha fulan-dezembru”, dehan nia.

Aleinde ne'e, ko’alia mós kona-ba situasaun labarik sira-nian neebé moris ho kondisaun fizika ne'ebé krekas, hodi bele ko’alia kona-ba asaun saida mak bele responde ba situasaun refere.

 "Ikus liu mak ita ko’alia kona-ba koligasaun ba merenda eskolar. Timor-Leste aprezenta, halo programa merenda eskolar tinan kleur ona hamutuk ho pais seluk, ita sei ko’alia kona-ba koligasaun ho pais sira seluk atu esforsu ida ne'e bele la'o ba oin nafatin. Maibé, importante liu ita bele ko’alia mós kona-ba prátika di'ak sira ne'ebé la'o ona no oinsá bele mellora liután”, dehan nia.

Tuir planu, TL sei partisipa iha Pre-Simeira iha Roma-Itália, hahú iha fulan-Outubru tinan 2021. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter