Diretor Jerál Sekretaria Estadu Formasaun Profisionál no Empregu (SEFOPE), Paulo Alves hatete, lansa programa ne'e atu fó apoiu komunidade iha 50 ne'ebé hetan estragu durante inundasaun ne'ebé akontese foin lalais.

"Ne'e karta de aseitasaun (letter of agreement between) entre SEFOPE ho PNUD liga ba hamutuk serbí komunidade programa ida ne'ebé ita lansa aldeia hamutuk 50 iha Munisípiu Dili ne'ebé mak afeita diretamente ba inundasaun ne'ebé akontese iha dia 4 de Abríl ne'ebé afeita faslitadade públiku no privadu afeitadu”, dehan Paul iha salaun SEPFOPE, Kaikoli, kinta (08/07).

"Governu liuhusi SEPFOPE Ministériu Estatál lansa programa ne'e atu fó apoiu ita-nia benefísiariu sira, e totál benefísiariu sira ne'e hamutuk 5.000, tanba SEFPOPE hanesan instituisaun Governamentál iha esperiénsia durante tinan barak nia laran, por ezemplu implementa programa dóllar tolu nian entaun ita servisu hamutuk ho sira, atu nune'e ita rejistu ba benefísiariu sira antes implementa programa ne'e”, hatutan nia.

Nune'e SEFPOPE fó apoiu nia funsionáriu na’in-sanulu atu sai monitorizador rejistu supervizaun durante implementa servisu "hamutuk serbí komunidade" ne'e rasik.

Nune'e reprezentante Programa  Nasaun  Unidas Dezenvolvimentu (PNUD), Laxima Onta-Bhata hatete, orsamentu ne'ebé PNUD fó apoiu montante hamutuk US$300,000 no Governu Korea Súl apoiu orsamentu US$100,000.

"Orsamentu ne'ebé mak atu fó apoiu ba maluk sira ne'ebé hetan dezastre liliu inundasaun ne'ebé mak akontese atu apoiu sira, atu sira hetan netik rendimentu oan ida  ne'ebé osan ne'e hamutuk miliaun ida maibé iha mós osan balun ne'ebé iha Governu Korea fó US$100,000 no mai husi UNDP rasik US$300,000 depois husi mós komponente seluk ne'ebé mak husi projetu ne'e refere katak sei maluk sira ne'ebé mak uma sira hetan estragu”, informa nia.