“Liuhusi konferénsia imprensa ida ne'e (PDRT), hola inisiativa, hodi apelu ba fiskál tomak ne’ebé estabele ona iha postu administrativu 65 iha teritoriu Timor laran tomak, hodi fó orientasaun polítika, no orden servisu ba fiskál tomak ne’ebé destaka ona iha postu administrativu 65, hodi kolabora no koopera atu servisu hamutuk ho parte tékniku STAE”, dehan Matias Borromeu iha sede Movel iha Tasitolu, kinta (08/07).

Nune'e husu ba fiskál hotu hahú ba oin atu ejerse funsaun no papel ho di’ak hodi kolabora, koopera no servisu hamutuk ho parte tékniku STAE nia ne’ebé destaka ona iha postu ida-idak, atu konvense, konsola no konsensializa eleitór foun sira atu hakbesi-an ba sentru resensiamentu eleitorál.

Entretantu husu ba fiskál hotu, atu servisu maka’as no konsensializa, liuliu ba eleitór foun sira, atu rejistu hodi hametin hakbi’it no habelar liután politika ba ema hotu iha teritóriu tomak hodi gaña konfiansa. (*)