Login to your account

Username *
Password *
Remember Me

FONGTIL Sei Apoiu Governu Hadi'a Situasaun Povu iha OJE 2022

Diretór Ezekutivu FONGTIL, Daniel Santos do Carmo. Diretór Ezekutivu FONGTIL, Daniel Santos do Carmo. Foto Suplay

Tempotimor (Dili)-Forum Organizasaun Naun Governamentál Timor-Leste (FONGTIL) deklara sei fó apoiu ba inisiativu governu nian atu hadi'a situasaun moris povu nian liuhusi Orsamentu Jerál Estadu (OJE) tinan 2022.

"Sosiedade sivíl deklara apoiu tomak ba inisitiva governu nian hodi hadi’a povu nia moris liuhusi orsamentu estadu 2022 no sei mobiliza mós apoiu husi kmunidade Timor-Leste no komunidade internasional ba polítika brillante governu Timor-Leste ida ne'e”, hatete Diretór Ezekutivu FONGTIL, Daniel Santos do Carmo, Liuhosi konferensia imprensa iha kna’an fatin Kaikoli,  kinta (08/07).

Tanba ne'e, FONGTIL hamutuk sosiedade sivíl hanesan Rede Coalition for Eduftion (TLCE), Core Group Transparancy (CGT), Plataforma Nasional BESI Timor-Leste, inklui Rede Feto Timor-Leste, ofisialmente hala'o koferensia imprensa hodi apresia inisativa governu nian ne'ebe deside ona  planu prioridade hamutuk 6 iha ámbitu diskusaun Jornada Orsamental 2022.

Husi rezultadu jornada, mak Sosiedade Sivíl mós sei halo sosializasaun maka'as liután no halo konsiensializasaun ba komunidade atubele simu vassina hodi kria kondisaun ba governu bele servisu di’ak liután iha implementasaun programa prioritariu sira.

Tanba dezafiu komun sira ne'ebe mós nafatin hetan atensaun máxima husi diskusaun mak hanesan situasaun covid-19 no Inundadasaun no rai monu iha Timor-Leste.

Maibé sosiedade sivíl mós nota katak liuhusi  Jornada orsamental ba orsamentu Jerál Estadu 2022 nian, tetu orsamentu fiskal bilaun USS1,5 ne’ebé governu define ona ba programa prioritários 6 ida ne'e sai nu’udar fiar ida ba sosiedade sira atu apresia.

"Sosiedade sivíl louva vontade guvernu nian hodi bele tau prioridade ba asuntu ne’ebé liga ho povu nia moris. Sosiedade sivíl apresia governu tanba tau prioridade ba setór produtivu nu’udar dalan ida kore-an husi dependénsia ba fundu petrolítfero no hahú dadaun diversifikasaun ba fundu petroliferu”, dehan nia.

Enkuantu programa ne’ebé governu prioridade mak hanesan Kapital Sosial (Edukasaun, formasaun profissional no Saude), Abitasaun no Inklusaun Sosial, Setór Produtivu (Agrikultura, Turizmu, Ambiente no konetividade), Dezenvolvimentu Setór privadu, Dezenvolvimentu rural, no governasaun. (*)

 

Rate this item
(0 votes)
Last modified on Thursday, 08 July 2021 16:07
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter