“Ezekusaun Orsamentu 2021 kuaze que ita 80% ida hanesan ne'e ona, ezekusaun transferénsia ne'e mak seidauk, liliu transferénsia públika nia mak seidauk ezekuta hotu, agora ami laiha kapitál dezenvolvimentu kapitál mellor mós ami laiha”, dehan Julião da Silva, iha Ministeriu Finansas Aitarak Laran, tersa (29/06).
Ba transferénsia diaspora osan ba tinan 2021, kuaze MNEK koa pursentu 4 to’o 5 hodi kontribui ba programa sesta bázika.
“It-nia hanoin transferénsia diaspora osan ba tinan ne'e, ita-boot sira hatene, ita kuaze que MNEK kua tiha 4-5 % para hodi kontribui ba iha sesta bázika, entaun ha'u labele hatene serteza ninia kuantidade ne'e hira mais osan lubuk ida que ita koa tiha”, esplika nia.
Maibé iha raktifikativu la husu filafali no orsamnetu viajen kuaze laiha hotu, no haruka hotu ba orsamentu iha governu. Tanba ne’e iha tinan 2022 orsamentu tenke aumenta filafali atu rekupera fali.
“Atraves de ita hotu haree katak nasaun lubuk ida que nia sidadaun sira simu ona vasina dalarua ba AstraZeneca nomós vasina sira seluk ne'ebé mak iha, espera katak tinan oin ne'e orsamentu tenke aumenta filafali nune'e bele rekupera filafali osan ne'e”, hatete nia.
Ho atrazu ne'e hakarak ka lakohi sei prezudika serbisu diplomasia sira, hanesan ezemplu embaixador iha Portugál, prekore nasaun tolu haat iha Europa, tanba ne’e presiza viazen ba reuniaun, no tenke ba hasoru ema investór sira atu aprezenta programa sira.
“Ezemplu hanesan expo dubai, expo dubai ita-nia embaixadór sira ne'ebé iha Europa pelumenus sira mós mai para bele hasoru ninia investór sira para depois bele halo negosiasaun hodi lori investór sira ne'e mai halo negosiasaun investimentu iha ita-nia rai, ne'ebé ita espera orsamentu tinan oin ne'e bele di'ak”, afirma nia. (*)