Tanba ne’e Deputadu FRETILIN, David Mandati Dias Ximenes so’e lia ba Primeiru Ministru (PM), Taur Matan Ruak, tanba assume kargu husi Prezidente Repúblika no ba fali lidera Governu, maibé estrada Postu Administrativu Bagia, Munisípiu Baukau kontinua aat.
Maske deputadu David Mandati desde hahú tama iha Parlamentu Nasionál sempre ejize atu hadi’a kondisaun estrada Bagia ligasaun mai Laga nian, maibé to'o agora laiha solusaun.
“Ha’u moe fali, desde que ha’u tama iha ne'e ko’alia de'it mak estrada Bagia to'o agora seidauk halo de'it, kala Bagia ne'e fora da orbita Timor karik. Laga-Bagia mak mai iha ne'e ukun orsida sa'e ba Prezidente Repúblika, orsida sa'e ba Primeiru Ministru (PM) orsida sa'e fali Prezidente Parlamentu Nasionál, buat barak-barak los, maibé Bagia nia estrada so Mausiak mak fó naran lolos mai ami”, dehan nia iha Plenária PN, tersa (29/06). (*)
