Vise Xefe Bankada CNRT, Patrocino Fernandes deklara, ezeksaun ba orsamentu kapitál dezenvolvimentu ne'e importante atubele absorve kampu traballu ba timoroan sira.
“Tenke aseleira ezekusaun OJE 2021, liliu kategória orsamentu kapitál dezenvolvimentu, tanba dezenvolvimentu infraestrutura mak bele absorve kampu traballu barak liu. Nune’e família no jovem barak ne’ebé agora lakon servisu bele iha servisu no esperansa ba moris”, dehan nia iha plenária PN, kuarta (30/06).
Tanba ho situasaun Estadu Emerjénsia ne'ebé Timor-Leste aplika durante tinan ida resin, halo Timoroan barak mak lako sira-nia servisu.
Maibé husu ba governu atu selu divída ba kompaña fornesedór sesta bázika, kompaña konstrusaun no bens, no subsídiu ba frontline, atu nune’e povu no emprezáriu sira bele rekupera sira-nia ekonómika.
“Ami deskonfia, membru Governu barak hanesan ne’e atu susu-mohu de’it povu ninia osan, husik povu kiak ba beibeik”, dehan nia. (*)
