CNRT Konsidera Ministériu Públiku Servisu La Imparsiál

Deputada Bankada CNRT, Carmelita Caetano Moniz. Deputada Bankada CNRT, Carmelita Caetano Moniz. Foto Suplay

Tempotimor (Dili)-Deputada Bankada Congresso Nacionál de Reconstrução de Timor (CNRT), Carmelita Caetano Moniz, konsidera Ministériu Públiku hala'o servisu la independente no imparsial, tanba ingnora keixa husi bankada CNRT.

Tanba Timor-Leste nu’udar Estadu Direitu Demokrátiku, xave importante atu garante sidadaun sira hotu nia direitu, no prosesu haburas demokratizasaun mak setór Justisa tenke independente no imparsiál.

Maibé, Bankada CNRT nota katak iha persegisaun polítika hasoru estrutura no militante CNRT, inklui deputadu.

“Iha loron 11 fulan-Juñu 2021, Ministériu Públiku notifika deputadu sira husi Bankada CNRT, relasiona ho insidente Hadau Meza Parlamentu Nasionál iha loron 19 Maiu 2020. Ministériu Públiku konstitui deputadu CNRT nu’udar arguidu, ne’ebé defende Konstitusionalidade no Legalidade Meza Parlamentu Nasionál nian, enkuantu ignora tiha Bankada CNRT nia keixa ne’ebé hato’o uluk liu, iha loron 19 Maiu 2020, hasoru furador no violador konstituisaun RDTL”, deklara Carmelita liuhusi komunikadu imprensa  iha Parlamentu Nasionál, tersa (22/06).

Prosesu notifikasaun ne'ebé Ministériu Públiku hato'o ne'e hanesan obriga de'it atu kriminaliza aktu Bankada CNRT ne’ebé defende Konstitusionalidade no Legalidade ba Kompozisaun Meza Parlamentu Nasional.

Maske, iha artigu 94, konstituisaun RDTL, garantia estatutu deputadu no rejimentu Parlamentu Nasionál. Maibe Ministériu Públiku hatudu nia parsialidade, tanba hafoin ignora keixa ne’ebé Bankada CNRT halo hasoru Bankada Violador Konstituisaun no Lei, ba Ministériu Públiku, enkuantu Prokuradores sira buka atu aselera keixa hasoru Bankada CNRT.

“At liután mak Ministériu Públiku ne’ebé tuir loloos tenke defende interese Estadu no valór legalidade nian, sai tiha fali instituisaun ne’ebé defende hahalok kontra Estadu de Direitu Demokrátiku”, dehan nia.

Tanba ne'e, Bankada CNRT fó hanoin ba públiku katak iha loron 28 fulan-maiu tinan 2020, Tribunál Rekursu liuhosi akórdaun, ho Númeru NUC:0030/20.TRDIL, hasai desizaun kona-ba Prezidente PN legalmente Eleitu, Deputadu Arão Noé de Jesus Amaral nia keixa hasoru Furador sira ne’ebe halo Asaltu Poder, katak aktu polítiku sira la sujeitu ba kontrolu jurisdisionál konstitusionalidade.

Aleinde ne’e Tribunál mós konsidera akontesimentu iha Parlamentu Nasionál ne’e aktu polítiku no bele rezolve iha plenária Parlamentu Nasionál, nune’e Tribunal laiha kompeténsia atu julga keixa husi Bankada CNRT nian hasoru Furadores ne’ebé viola Konstituisaun.

Bainhira Ministériu Públiku notifika deputadus sira husi CNRT ne’e hatudu momós katak Ministériu Públiku nia aktu ne’e kontraditóriu ho akórdaun husi Tribunál Rekursu nian.

"Hahalok sira ne’e maka hatudu momós katak funsionamentu Ministériu Públiku la Independente no la Imparsiál”, hatete nia.

Pozisaun Bankada CNRT prontu atu enfrenta persegisaun polítika hasoru CNRT, liuhosi dalan Konstitusionál no Legál, no sei halo esforsu hothotu atu nune’e prosesu sira ne’ebé Ministériu Públiku lansa hasoru Bankada CNRT ne’e, tuir duni prosesu no norma legál sira ne’ebé vigora iha Timor-Leste. (*)

 

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Tempo Timor Networks

Online Counter