“Ne'ebé estudante sira ne'e bele halo votasaun iha Díli laran de'it bele halo votasaun iha dalan ne'e mak ema hanaran votasaun Paralelu ne'e, tanba saída? . Tanba ita tinatinan sira buka transporte atu ba e balun difikulta hatete katak ami hakarak ba maibé transporte mak laiha, balun sira kestiona katak ami laiha osan atu selu transporte”, esplika Torrezăo iha salaun Komisaun Nasaionál ba Eleisaun (CNE), Kolmera, tersa (22/06).
Nune'e Diretór Jerál Sekretariadu Tékniku Administrasaun Estatál, Acilino Manuel Branco reforsa ema ne'ebé iha motiva balun iha tempu eleisaun bele lori ba sentru votasaun paralelu.
Tuir lei eleitór sira tenke ba vota iha fatin ne'ebé mak nia rejista ba, ida ne’e presiza atualiza liliu iha kapitál no Munisípiu Dili ninian tanba ema hothotu konsentra maibé ho kartaun unidade joegrafika oioin.
“Ita sei mobiliza rekursu sira hotu ba fatin konsetrasaun sidadaun sira-nian iha eskola sira atu atualiza, kartaun eleitorál sira ne'e hotu para depois ema ida-idak garante nia direitu de votu iha eleisaun maibé karik sira ne'ebé ne'ebé mak la konsege atualiza tanba ho motivu pesoál sira balun ita sei lori sira ba sentru votasaun Paralelu”, dehan Alcino. (*)