Sekretáriu Jerál partidu FRETILIN, Mari Bin Amude Alkatiri hamutuk ho nia espoza Marina Ribeiro Alkatiri, iha loron sábadu (19/6) simu ona vasina AstraZeneca ba doze daruak iha sentru Saúde Formosa
Tanba vasina sira ne’ebé distribui hela iha rai laran, nu’udar kontribuisaun boot ida atu lori Timor-Leste sai husi Pandemia Covid-19.
"Ho konfiansa tomak ba pesoal saude iha Timor-Leste, Kamarada Sekretáriu Jerál halo apelu ba ema hotu ne’ebe tinan 18 ba leten atu hakat ba sentru saude sira atubele mos simu vasina ne’ebe sei ajuda ita nia organizmu atu forte liu hasoru vírus covid-19”, hatete Alkatiri iha ninia pájina facebook ne’ebé www.tempotimor.com asesu, sábadu (19/06).
Ho ida ne’e, rekomenda ba ema hotu, atu kontinua kumpre medida prevensaun sira hanesan uza máskara ho lolos (taka inus no ibun), mantein distansia mínimu metru ida, no fase ka dezinfeta liman beibeik. (*)
