Login to your account

Username *
Password *
Remember Me

Deputada CNRT Dúvida Governu Hapara Pesoál Saúde Rihun 3-resin

Deputada Bankada Congresso Nacional de Reconstrução de Timor (CNRT), Maria Gorumali Bareto. Deputada Bankada Congresso Nacional de Reconstrução de Timor (CNRT), Maria Gorumali Bareto. Foto Suplay

Tempotimor (Dili)-Deputada Bankada Congresso Nacional de Reconstrução de Timor (CNRT), Maria Gorumali Bareto, dúvida governu liliu Ministériu Saúde (MS) ne'ebé sei hapara kontratu ba pesoál saúde hamutuk rihun-3-resin iha fulan-dezembru tinan 2022, tanba laiha osan.

“Iha fulan-dezembru tinan 2022, pesoál saúde hamutuk 3 mil ne'ebé mak sei lakon sira-nia servisu, razaun dehan osan laiha, maibé osan ne'ebé mak iha hamutuk billaun $3.2 ne'e ba iha ne'ebé”, dehan nia liuhusi debate jeneralidade loron datoluk ba proposta lei OJE 2023 iha plenária PN, kuarta (09/11).

Ba pesoál saúde sira ne'ebé sei lakon servisu, ida-ne'e sai preokupasaun ba deputadu sira tanba  iha OJE 2023, Governu prevee montante boot kuaze billaun $3 resin, tanba ne'e la nesesáriu bainhira Governu dehan laiha osan atu extende kontratu ba pesoál saúde sira.

Deputada CNRT mós hatete, iha ospitál, sentru saúde, no postu saúde sira agora dadaun ekipamentu barak mak avaria ona, nune'e difísil atu pesoál saúde sira fó atendiemntu di'ak ba pasiénte sira.

Nune'e mós, ohin loron povu barak mak halerik liliu ai-moruk, ambulánsia, nomós kombustivel ne'ebé atu enxe ba ambulánsia laiha, aimoruk esensiál, ai-moruk espesialista, sofre stock out.

Iha mós dívida seluk ne'ebé tula hela iha Governu nia kabas, liliu liga ba diretu subsídiu pesoál saúde sira ne'ebé servisu iha tempu pandemia COVID-19, tanba Governu seidauk selu.

Purtantu situasun ne'e, iha audénsia ba fundu COVID-19 nian, relata momoos ona katak situasaun ida-ne'e loos duni Governu seidauk halo pagamentu.

Tanba ne'e husu Governu atu halo ona pagamentu liliu haree rezolve situasaun sirs ne'ebé mak mosu iha rai laran. (*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter