Login to your account

Username *
Password *
Remember Me

SEKOOP Loke Formasaun Bázika ba Kooperativa KSUJETIL

SEKOOP, Elizário Ferreira prezensa hela iha formasaun ba membru kooperativa KSUJETIL iha Salaun Esperansa Delta, Kuarta (09/11). SEKOOP, Elizário Ferreira prezensa hela iha formasaun ba membru kooperativa KSUJETIL iha Salaun Esperansa Delta, Kuarta (09/11). Foto Tempo Timor

Tempotimor (Dili)-Sekretáriu Estadu Kooperativa (SEKOOP), Elizário Ferreira hahú loke formasaun bázika ba Konsellu Solidariadade Universitariu Juventude-red Estudante Timor-Leste (KSUJETIL) ne'ebé ho nia tema iha kooperasaun mutua, hodi harii Kooperativa Multisektorál ne'ebé Profesional no autosufisiente.

Nune’e, SEKOOP, Elizário Ferreira, husu atu luta makas ba libertasaun povu, tanba tempu rezisténsia KSUJETIL konsege kontribui ba Timor-Leste to’o ukun rasik aan.

"Formasaun ida ohin formasaun báziku ba Konsellu Solidariadade Universitariu Juventude-red Estudante Timor-Leste, organizasaun rezisténsia ida ne'ebé mak mosu iha tempu rezisténsia luta ba libertasaun pátria no agora mosu hanesan koopertivista ida oinsá atu kontribui ba luta libertasaun povu nian", dehan nia iha Salaun Esperansa Delta, Kuarta (09/11).

Luta libertasaun patria fasil liu, tanba inimigu komún ida de'it, maibé luta ba libertasaun povu inimigu mosu barak iha prosesu redúz ki’ak iha Timor-Leste no oinsá kria kampu servísu.

"Tanba ne'e mak formasaun hahú ba konsellu ida ne'e (KSUJETIL) atu bele harii Kooperativa ida Multisektorál atu bele kontribui ba redusaun ki’ak no kreatividade kampu de traballu iha ita nia rain", nia afirma

Alende ne'e, Dirijente Kooperativa KSUJETIL, José da Costa Magno, hatete, uluk luta ona ba libertasaun nasionál, nune'e agora hamosu ideia atu kria Kooperativa atu hametin intervensaun ekonómia iha Timor-Leste.

"Iha programa ida mak empoderamentu ekonómia ho maneira rotativu katak, fo empréstimu fatin ida ba fatin seluk, entaun mosu ideia ita kria komún mak prátika dadaun iha timor mak bolu Kooperativa hanesan meius ida hodi hametin katak, halo ita fasil halo intervensaun liu-liu ba ekonómia ho nia kapital boot", nia deklara

Tanba, bainhira membru no dirijente Kooperativa sira hatudu unidade ne'ebé di'ak sei bele minimiza intervensaun okupasaun finanseira external no sei bele haforsa privadu sira, nune'e komunidade sira iha kapasidade rasik atu bele dezenvolve komunidade nia moris no bele kontribui rendimentu família.

 

"Atu hahú ida ne'e, ha'u hanoin labele ba liu kedas povu ho kapasidade ne'ebé limitadu dewan hahú uluk husi organizasaun dewan ne'e rasik no hahú husi nia ema sira ita maisoumenus hatene ona maneira regra formasaun Kooperativa ida ne'e ita hatene ona jestaun báziku sira oinsá mak atu lidera no oinsá atu jere hodi bele kontribui prosesu dezenvolvimentu Kooperativa iha Timor e ita bele dehan autosufisiente", dehan nia

Dadaun Dewan KSUJETIL hahú ona meta foun libertasaun povu hahú husi ki'ik liu mak liberta husi família sira, antes haree ba komunidade ne'ebé la'ós membru ba Kooperativa ne'e rasik.

"Nu'udar organizasaun ita liberta lai organizasaun nia ema, indiretamente kontribui ona ba família sira ne'ebé pertense ba membru sira", nia dehan.

Organizadór ne'e, diretamente husi Gabinete Sekretáriu Estadu Kooperativa oinsá atu fasilita formasaun ba Membru no dirijente Kooperativa KSUJETIL durante loron tolu. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter