Lei MPKK Bandu Deputadu Manán Saláriu Iha Instituisaun Rua

Xefe bankada Partidu Demokrátiku (PD), António da Conceição. Xefe bankada Partidu Demokrátiku (PD), António da Conceição. Foto Suplay

Tempotimor (Dili)-Xefe bankada Partidu Demokrátiku (PD), António da Conceição hatete, Lei Medida Prevensaun no Kombate Korrupsaun (MPKK) bandu deputadu sira hetan saláriu husi instituisaun rua.

Tanba, deputadu asume responsabilidade atu reprezenta povu no kada fulan hetan saláriu husi Parlamentu Nasionál.

Maibé PD haree lei foun ne’ebé estabelese iha Timor-Leste ne'e di'ak, tanba sei kondena deputadu sira atu hala'o servisu rua, hodi simu saláriu deputadu no servisu seluk ne'ebé hetan.

"Se sira manán osan la deklara sai  ne'e mós aktu ida ne'ebé mak iha, kuandu ami halo deklarasaun, tau hotu. Iha servisu, se o iha servisu seluk, servisu ne'e voluntáriu ka servisu manan osan, se manán osan, manán hira, tanba o deputadu manan tiha ona osan, agora ba fatin seluk ne'e o labele simu tan osan”, dehan nia iha Parlamentu Nasionál, sábadu (18/06).

Bainhira deputadu ba servisu iha instituisaun seluk hanesan konselleiru ka servisu sosiál, atubele fó apoiu, maibé la hetan osan, tanba deklarasaun sira ne'e deputadu sei hala'o iha implementasaun lei-MPKK.

"Agora foin mak iha lei, iha governasaun sira uluk, ha'u hahú iha 2012, ne'e mós ami halo deklarasaun hotu, maibé deklarasaun ida ami halo ne'e, pur-eskritu de'it e hatama nonok de'it iha tribunál, hodi dehan katak saida-saida mak ami iha, mais pur eskritu”, esplika nia.

Tanba iha tinan 2019, bainhira tama Parlamentu Nasionál, seidauk iha lei-MPKK, PD halo deklarasaun riku soin, kona-ba servisu, karreta, no uma, maibé la públika, tanba laiha lei.

"Agora buat ne'e hanesn mai komfirma de'it ona, legaliza tan de'it akta sira ne’ebé mak halo tiha ona durante ne'e. Ne’ebé ba ha’u ne'e di'ak, hakat di'ak, atu ita ba subar saida, se ha’u deputadu, ha’u manán osan 3 mil resin de'it, ha’u iha karreta tolu ka haat, ha’u nia osan, sasán sira ne'e ha’u foti husi ne’ebé, fulafulan ha’u iha fali osan hira”, dehan nia. (*)

 

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter