Login to your account

Username *
Password *
Remember Me

Kompetisaun ba Youtuber TL, Primeiru Lugar Hetan US$1000

Tempotimor (Díli)- Sekretáriu Estadu Komunikasaun Sosiál (SEKomS) loke kompetisaun Content creator ba Youtuber Timor-Leste (TL) hodi hatudu kreatividade liuhusi Chanel YouTube no ba manan na'in Primeiru Lugar sei hetan osan US$1000.

Iha mós premiu seluk ba manan na’in segundu lugar US$750.00, terseiru US$500.00, kuartu US$400.00 no kintu US$350.00.

Tanba ne’e, SEKomS, Mericio Juvinal ‘Akara’, lansa ona kompetisaun content creator ba Youtuber Timor-Leste ho prinsipiu halo kompetisaun Youtuber timoroan hodi prodúz vídeo ho konteudu, kombate hoax, kampaña vasinasaun, turizmu arte no kultura.

Maibé, submisaun ba produsaun hahú simu iha loron 27 fulan-juñu to'o 9 fulan-jullu tinan 2021 no sei fó sai rezultadu iha loron 18 fulan-jullu tinan 2021 no serimónia entrega premiu ba manán na’in sira iha loron 20 jullu 2021.

“Ho Content creator ne'e bele ajuda estadu ida ne'e promove ita-nia nasaun labele lakon oportunidade atu uza plataforma kreatividade atu transmite sira-nia papél ba mundu, nasaun ki’ik ida ne'e sai ‘kebangaan’ ba ita-nia nasaun atu lori ba mundu liuhusi setór turizmu, setór arte no seluk tan, hodi provove ita-nia nasaun iha estranjeiru, ita presiza uza plataforma sira ne'e iha ema nian rain”, dehan Mericio iha salaun Prezidénsia Konsellu Ministru, kuarta (17/06).

Nune'e Koordenadór Youtuber Timor Leste, Abrão Monteiro agradese ba Governu, tanba loke ona espasu ba Youtuber sira hodi promove sira-nia kreatividade hodi hetan osan liuhusi midia sosiál.

“Ha'u agradese ba Governu liliu SEKomS tanba loke ona oportunidade mai ami halo kontribuisaun liuhusi ami-nia kreaividade hodi kontribui ba ita-nia nasaun, agradese ba ekipa SEKomS ne'ebé mak konsidera ami-nia ideia sira ne'e”,nia agradese.

Maske iha Timor-Leste númeru populasaun oituan nune'e susar atu sibscriber sa'e lalais, mas iha korazen nafatin atu kontinua la’ós atu buka osan no premiu maibé hatudu kreatividade.

“Presiza kria konteudu edukativu ba ita-nia komunidade sira hodi fasilita ita-nia ema sira iha ita-nia rain inklui iha rai li'ur”, dehan nia. (*)

Rate this item
(3 votes)
Last modified on Friday, 18 June 2021 09:56
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2024 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29      

Tempo Timor Networks

Online Counter