"Ita laiha tensaun atu blokeia plataforma balun iha ita-nia nasaun, Governu iha komitmentu boot atu kontinua promove, no iha intenssun atu moderniza no suporta mós sosiedade liberdade imprensa, mídia hothtu tenke hakarak kontribui ba liberdade imprensa iha Timor. Governu hakarak mak apoiu ida ne'e de'it”,  dehan Merício Juvinal iha Sala reuniaun Lantai 4 Timor Plaza, Dili Kuarta (07/07).

Tanba iha sidadaun ne'ebé mak seidauk iha koñesimentu ba era dijital ne'e mós responsabilidade governu nian.

"Iha duni dinámiku tanba iha nia sidadaun balun seidauk iha koñesimentu kle'an seidauk iha intelejénsia maka'as forte atu uza mídia maibé ne'e la'ós ita-nia sidadaun nia sala de'it, ne'e Governu tenke assume responsabilidade tanba Governu no estadu prepara nia sidadaun atu sai matenek iha intelejénsia hodi tama iha era dijital”, afirma nia.

Maibé alerta nafatin ba mídia konvensionál ka media Estatál ka ema uza sala plataforma dijital ka mídia konvensionál sira nune'e prosesu sei hadi’a bebeik ba oin labele sees husi liberdade imprensa.

“Hanesan Governu dala ida tan hakarak informa ba ita-boot sira katak save ida husi liberdade imprensa mak independensia editoriál inklui mídia estadu sira hotu ami bele fó orientasaun jerál ne'ebé iha maibé labele intervensaun direitu independente editoriál ida mak reafirma pozisaun Governu”, deklara nia. (*)