Deputadu Fretilin, Antonino Bianco, husu ba governu atu haree kona-ba bee-moos iha Munisípiu Covalima, Postu administrativu Suai, tanba Suai sidade maibé bee laiha.

Tanba fonte bee maka’as liu iha foho Taroman no Fohorem, maibé tun mai Suai Vila beemoos laiha ba komunidade.

Ba kestaun ne'e, Ministru Franscisco Jeronimo hatete, bee-moos saneamentu iha nivel Munisípiu responsabilidade Administrasaun Munisipál tanba deskonsentra ona poder iha nível Munisípiu.

“Bee-moos saneamentu ne'e iha nível Munisípiu integra iha administrasaun Munisipál tan ne’e sira mak jere, tanba iha deskonsentrasaun de poder”, dehan Ministru Francisco  iha Palásiu governu, kuarta (09/06).

Ministériu ida-idak deskonsentra ona sira-nia departamentu iha Munisípiu hamutuk ho prezidente autoridade Munisipál sira mak sei halo jestaun no tau atensaun ba atividade sira ne'ebé iha baze atu nune'e faze implementasaun lalais. (*)