Governu Husu Sidadaun Hotu Apoiu Programa Nasionál Vasina

Governu lansa hela vasina Covax dozes daruak iha CCD, kinta (10/06). Governu lansa hela vasina Covax dozes daruak iha CCD, kinta (10/06). Foto Tempo Timor

Tempotimor (Dili)-Vise Primeira Ministra, Armada Berta dos Santos hatete, governu husu nafatin sidadaun hotu atubele apoiu programa nasionál vasina hodi partisipa. 

Tanba iha loron kinta (10/06) Governu lansa Programa Nasionál Imunizasuan Covid-19 Doze daruak Vasinasaun Covax ba sidadaun hotu iha Sentru Konvensaun Díli (CCD).

“Hodi Governu nia naran hakarak husu kolaborasaun ba entidades hotu tantu líder polítika, veteranu, autoridade komunitáriu confissões relijioza mai ita hotu fó liman ba malu hodi apoiu programa Nasionál ne'e”,  dehan Armada Berta dos Santos, iha Centro Convenções de Díli Kinta (10/06). 

Husi ne’e, ema hothotu simu Vasina atubele kontinua hala'o servisu tanba durante ne'e ema barak mak lakon servisu, lakon estudu no la hasoru família sira.

Iha fatin hanesan, Ministra Saúde (MS), Odete Maria Freitas Belo hatete, ema ne'ebé simu ona doze primeiru maske moras sei bele simu nafatin segundu Doze.

“Ema ne'ebé simu doze primeiru maske sira hetan moras Covid-19 ou foin mak sai, ita-boot sira-nia izolamentu ita bele simu segunda doze ohin ba oin hodi asegura nafatin no prevene kontajen ba transmisaun virus Sars-Cov2”, dehan Odete.

Durante kampaña imunizasuan saúde ida ne'e importante tebes Inklui fahe informasaun ba família viziñu no kolega sira hotu ne'ebé seidauk hetan Vasina bele vizita postu vasinasaun mak MS identifika ona. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter