Antes ne'e, iha lei oin hira mak iha relasaun ho Tratadu Tasi Timor liuliu kona-ba dezenvolvimentu setor Joint Petroleum Development Area (JPDA) entre TL ho Australia. 

Maibe iha tratadu foun ne'e JPDA la validu ona, ne'e duni presiza halo alterasaun tuir tratadu Fronteira Marítima nian. 

"Agora ita laiha ona JPDA, bainhira asina tratadu Timor Sea Treaty mate, ne'ebé tratadu foun mak vigora, ne'ebé lei sira JPDA no Timor Sea sira ne'e tenke hasai hotu, tau fali tratadu entre Timor Leste ho Australia", dehan Ministru Prezidensia Konsellu Ministru, Agio Pereira, iha Palasiu Prezidensial, Tersa  (9/7). 

Nia dehan, 30 Agostu 2019, nasaun rua ne'e sei informa ba malu katak prosesu hotu kompletu ona ratifikasaun tratadu, ne'ebé iha loron 6 Marsu 2018 ne'e mak vigora.Tuir Akordu delimitasaun fronteira Tasi ne'e define Bayundang ho Bufalo iha area jurisdisaun Timor Leste.

Alende iha aprovasaun ba dekretu lei lima ne'ebé kompostu husi proposta alterasaun lei haat ne'e diskute mós rezolusaun balun kona-ba kontratu Bayundang no Búfalo nian. 

"Búfalo, kontratu ne'e tama iha soberanu ita nian, la'os ona iha Australia nia sorin", dehan Agio.