"Konsellu Ministru aprova memorandum of understanding ida ne'ebé liga ho gazodutu Bayundang ninian. Bainhira asina ona tratadu, ratifika ona tratadu, ne'e Bayundang iha Timor Leste nia teritóriu soberanu, no kadoras ba Darwin ne'e kontinua ba Darwin", dehan Ministru Prezidensia Konsellu Ministru, Agio Pereira, iha Palásiu Governu, Kuarta (10/7).
Nia dehan, Governu tenke define didi'ak prosesu sira ne'e tuir lei, hanesan revizaun ba lei balun ne'ebé halo ona (link PN Simu ona Proposta Lei 5 Husi Governu) tanba TL ho Australia iha poder ba nia área rasik.
"Governu tenke define didi'ak tuir lei, área soberanu TL iha nia poder, maibé sai ona husi fronteira marítima tama ona ba Australia nian, ne'e Australia nia poder eskluzivu", dehan nia.
Ne'e duni, Governu kontinua fó poder ba Autoridade Nasionál Petroleum no Minerais (ANPM) atu kontinua halo nogosiasaun to'o asina hodi Estadu TL nia naran.